تحدث الرئيس عبدالفتاح السيسى، قائلا : "كنت بتكلم من شوية قبل ما ادخل مع الضيوف بقولهم انتوا عارفين يعنى إيه نخسر أكتر من 450 مليار دولار في أحداث 2011 و2012 و2013، عارفين يعنى إيه نواجه الإرهاب ونتكلف أكتر من 120 مليار جنيه، هي الأمور دي إحنا دولة مش غنية ولا حاجة.. مواردنا متستحملش صدمات زى دى ودولتنا متستحملش صدمات لأن معندناش موارد تهدر بالطريقة دى".
وأضاف الرئيس السيسى، خلال احتفالية عيد الشرطة الـ 72: "لكن مكنش فيه خيار تاني لينا في مواجهة الإرهاب اللى قعدنا نخوض فيه 10 سنوات مكنش فيه سبيل إلا إحنا نواجهه والا البلد مكنتش تبقا مستقرة أبدا وكمان يبقا فيه اعتداء هنا وتخريب في المحافظة دى زى ما كمان بيحصل قبل كده، لكن ده بفضل الله تحقق بإيه؟ تحقق بتضحيات، فيه فرق إن احنا نقراها وتضحيات شهداء القوات المسلحة والشرطة وفئات أخرى من المجتمع فرق إن إحنا نقول متنسوش واحنا لسه بنكرم 4 من أسر الشهداء إن ده تمن كبير قوى بتدفعه مصر من أجل أمنها وسلامتها واستقرارها، طيب الأموال اللى بتنفق في هذا الأمر هى ملهاش تأثير على اقتصادنا؟، شوفوا إحنا عندنا أزمة واحدة في الاقتصاد ويمكن استغل الفرصة إن احنا في الحوار الوطني إللى اطلقناه من سنتين كان فرصة كويسة قوى إن احنا نتكلم فى مواضيع كتيرة جدا سياسية واقتصادية واجتماعية وأمنية يمكن، لكن إحنا بنتأكد إن إحنا هنطلق حوار تانى والحوار الوطني لن يتوقف ومجلس الأمناء هيبقا مسؤول إنه يبقا مستمر علشان الحيوية اللى هو حققها خلال الفترة إللى تم فيها إجراء هذا الحوار.
تابعوا أخبار بلدنا اليوم على Google News
