فتح المنتج محمد الترك، النار على طليقته الفنانة دنيا بطمة، بعد إتهامها أنه السبب في قيام مؤامرة ضدها لتشويه سمعتها والزج باسمها في قضية "حمزة مون بيبي".
علق محمد الترك، عبر موقع الفيديوهات القصيرة “تيك توك” قائلا: “إذا أكرمت اللئيم تمرد، ابكي ومثلي على الشعب المغربي ولكن تجيبي اسمي لا، أنا سكتلك بما فيه الكفاية سنتين وتقولي عني إني كنت عميل وجاسوس اللي كان يعمل كدا عيلتك وأولهم أختك 9 سنين مستحملك إنتي وعيلتك وكل الحاجات اللي بتخطر على بال الكفار استحملتهم".
وأضاف:" بتقولي عني ببيع أخبارك، عندك إيه أخبار عشان أبيعهم؟ انتوا اللي مفاضيح، انتي اللي بتفضحي نفسك، كنت واقف معاكي بخيرك وبشرك.. كم مرة وقعتي كم مرة عملتي مشاكل ومسكتيش والناس كرهتك وكرهتني معاكي في بيتكم كنتوا بتعيشو على لمبة واحدة عشان التوفير".
تابع محمد الترك:" ولما حد كان بيمرض مكنتوش بتجيبوا ليه دوا أنا اللي كنت بجيب، وعملت عملية جدتك لعيونها، خالك أنا اللي عامل عمليته، بناتي حارماني منهم سنة ونص اللي هما مش في بالك أصلا وخالتك اللي تربيهم، وانتي بحفلاتك وبتشوفيهم بالشهر مرة، بتمثلي ليه إنك مظلومة ومقهورة؟ مثلي بدموعك على الناس".
واستكمل:" طول عمرك كدا من يوم ما عرفتك وأنا في مشاكل، وهاخد بناتي منك بالإنتربول، اللي بيصدقوا دموعك المزيفة عيلتك اللي مستوى ذكائهم 3% كنت بتكسف أقول اسمك من أفعالك، عرفتك على أمراء وشعراء وناس ليهم قيمة.. بناتي هاخدهم أربيهم مع أم متعلمة مش جاهلة تلبس النضارة وتقعد على إنستجرام بالساعات".
تابعوا أخبار بلدنا اليوم على Google News
