حسن شاكوش يعبر عن حزنه بسبب عدم دعوته لحضور عقيقة ابنة حمو بيكا

أعرب الفنان حسن شاكوش عن حزنه بسبب عدم حضوره عقيقة إبنة حمو بيكا  حيث وجه له رسالة شديدة اللهجة، معبراً، لو كان عزمني كنت روحت وممكن تكون الدنيا كانت لاهياه ولا حاجة.

وقال حسن شاكوش في فيديو لايف نشره عبر حسابه الرسمي بموقع تبادل الصور والفيديوهات انستجرام: مبتحركش ومبروحش لأي حد من مكاني غير لما أتعزم، إلا لو كان عندي شغل وأنا كان عندي شغل ولكن غير كدة بيكا معاه تليفوني ومعزمنيش فلو كان عزمني كنت روحت وممكن تكون الدنيا كانت لاهياه ولا حاجة.

وتابع حديثه، قائلا: حب الخير لغيرك عشان ربنا يكرمك ويقويك في اللي انت فيه أوعا تكره لحد الخير وأي حد حتى عامل النظافة ليه عدو، وعدوم ابن كارك، مفيش حد عايزك أحسن منه وده حقه، ولكن فيه ناس غيرة شغل وغيرة شخصية.

واستكمل حديثه، قائلا: أنا كـ حسن شاكوش عمري ما غيرت من حد لأني قبل ما ادخل المجال ده وأنا ثقتي في ربنا وفي نفسي كبيرة جدا، أكبر مانتوا تتخيلوا والثقة في النفس لوحدها تخليك رافع راسك في كل حتة، فغير في الشغل حقك ياحبيبي عادي وكل في نفسك، وفي غيرة برة الشغل، ودي بتلاقي ناس كتير جدا حبيبي وأخبارك وهو ما مجرد تديله ضهرك بيشتم عليك وكل الوحش بيطلعه فيك. 

وكان قد احتفل مطرب المهرجانات الشعبية حمو بيكا بـ عقيقة ابنته تاج في حضور كلا من مطربي المهرجانات إسلام الملاح ونور التوت وعمرو سلامة، كما ظهرت زوجة حمو بيكا مرتدية قطع كثيرة من الذهب بفستان أبيض وسط الحضور.

من ناحية أخرى، تحدث حسن شاكوش عن إمكانينة اعتزاله الفن، فقال: الهدى ديه حاجة بتاعت ربنا وأنا مبعملش حاجة غلط وأي شاب في الدنيا يتمنى شغلتي، وأحسن ما أبيع مخدرات، الله أعلم بظروف اللي بيبيع مخدرات أو وراه إيه من مسئوليات أو ديون إيه، العذر لكل أخواتي الشباب.