رانيا يوسف: تعرضت للتحرش ولا أحب طقوس العزاء وأرفض العمل مع زينة

قالت الفنانة رانيا يوسف أنها ترفض العمل مع الفنانة زينة بعد مسلسل "ريش نعام".

وأضافت رانيا يوسف خلال مقابلة تلفزيونية في برنامج "كتاب الشهرة" الذي يقدمه الإعلامي علي ياسين عبر فضائية "الجديد" أنها تعاقدت على مسلسل "ريش نعام" وكان من بطولتها وكانت البطولة الثانية لـ روبي ولكنها اعتذرت عن استكمال تصوير العمل بعد شهرين من التصوير بسبب حملها وتم ترشيح زينة بديلة لها "قالت حطوا اسمي مع رانيا وهي عارفى إني بطلة العمل ماكنش ينفع لأن انتي جاية وعارفة إن بطلة العمل رانيا، وأنا خسرتها كزميلة".

وكشفت رانيا يوسف أنها تعرضت للتحرش هي وابنتها وقالت "كانت في ميدان عام ومش عايزة افتكرها لأنها من الحاجات اللي وجعتني أوي وكانت من فترة كبيرة وخوفت على بنتي ومقدرتش أحميها العدد كان كبير جدا وقعدت فترة عندي صدمة ولغاية دلوقتي بيجيلي فوبيا من الأماكن المزدحمة".

وعن سؤالها بإعلانها عن وصيتها بعد الوفاة بالتبرع بأعضائها قالت "لو تقدر تفيد حد ونوع من الصدقة اللي هتفيد حد واللي محتاج حاجة ليه لاء، لو حد محتاج كبد أو قرينة وينفع ياخدوها ينقذوا بيها حياة حد أو يلحقوه أو يخلوه يعيش ليه لاء".

وعن البند الثاني في وصيتها قالت أنها لا تحب طقوس العزاء "أحب الناس تفتكرني بكل خير وتقرأ لي الفاتحة وشكرا على كده".