عاجل| السيسي: لا يمكن لأحد اختراق مراكز البيانات المؤمنة مهما كانت قدراته

قال الرئيس عبد الفتاح السيسى، إن  مراكز البيانات المؤمنة ، محمية تماما ولا يستطيع أحد اختراقها وإحداث شلل تام لأعمال الحكومة.

وأضاف خلال جلسات مؤتمر "حكاية وطن" موجها حديثه لوزير الاتصالات الدكتور عمرو طلعت : "ماحدش دخل جوا وصورلي الناس بتشتغل إزاي وبتعمل إيه، الموضوع دا مهم أوي عشان عاوزين نقول للناس، بيانات الحكومة المصرية، ودا قليل من الدول اللي عملت دا، عملت حاجة مغلقة، واشتغلنا بقالنا خمس سنين عليه ولا يمكن حد يقدر يدخل على الحكومة يعمل لها شلل، هو حد هيقدر يعمل حاجة بعد اللي عملناه؟".

وتابع الرئيس السيسى: " مراكز البيانات دي أنشئت  بمليارات الجنيهات وتم تحصينها بشكل قوي، بتكلم في الإنشاء خرسانة مش قواعد بيانات ولا سيرفرات جبتوها، عشان تحقق لكم عمل مغلق محكم مؤمن لا يستطيع أحد يخش عليكم في أي وقت مهما كانت قدراته، لأن مقلتوش الخمسين ألف حاسب الموجودين في الوزارات عبارة عن شاشة وكيبورد، لا يمكن لمخلوق يقدر يدخل". 

وشهد الرئيس عبدالفتاح السيسي أمس السبت، افتتاح مؤتمر "حكاية وطن .. بين الرؤية والإنجاز"، التي تمتد فعالياته على مدار ثلاثة أيام، بالعاصمة الإدارية الجديدة.

حضر فعاليات المؤتمر رئيس مجلس الوزراء الدكتور مصطفى مدبولي، وعدد من الوزراء وكبار رجال الدولة، فضلا عن عدد كبير من ممثلي المجتمع المصري وأطيافه المختلفة والخبراء والمتخصصين في شتى المجالات.