‎شريف منير لمنتقدي ابنته: " قبل ما تتكلموا عليها بصوا علي نفسكم واتفرجوا على أولادكم"

‎علق الفنان شريف منير، على حالة الضجة التي انتابت مواقع التواصل الإجتماعي، منذ ظهور ابنته أسما في مقطع فيديو عبر حسابه الشخصي على موقع تبادل الصور و الفيديوهات "إنستجرام" من خلال خاصية "الاستوري"، والتي قامت فيها بحلق شعرها.

‎وأوضحت أسما شريف منير خلال هذا الفيديو سبب حلاقتها لشعرها قائًلا: "ده جنان، حاسة اني بدأت حاجة جديدة وبعمل شيء جديد، شعري بيقع لاني عندي الغدة ومش مظبوطه فالحمد لله، كنت عالجته بكل الطرق بس كان بيقع بردو، وانا عملت حاجة جديدة، الشعر هيطول تاني واحساس التعلق بالشيء عايزة اكسر الحته دي، وقربتي عملت كده قبل كده ورجع طويل عادي، وشعري نفسه كان محروق ولكن لما عملت كدة حسيت اني حرة " .

‎شريف منير يعلق على ما فعلته ابنته 

‎ظهر النجم شريف منير في مقطع فيديو عبر حسابه الرسمي على موقع تبادل الصور و الفيديوهات "إنستجرام"، وعلق علي ما فعلته ابنته أثناء تناولها وجبة مكونة من سمك وأرز قائًلا: "ايه الضجه اللي انتوا عاملينها دي، كل ده عشان بنتي قصــت شعرها قدام الكاميرا، ايه الغلط اللي هي عملته،تصرف عادي جدا مفيهوش أي حاجة، اوعوا تفتكروا أنى ممكن اجي على بنتي عشان اكسب رضاكم، دي بنتي اللي مليش غيرها واللي بحبها".

‎وتابع شريف منير قائًلا: "وبالمناسبة اللوك اللي عملته عجبني، بس قبل ما الاخوه اللي بيهاجموا ويقولوا بتعمل كده عشان تريند او ابوها معرفش يربيها، لأ انا بنتي متربية كويس جداً، بس هي هي بتتصرف باللي هي حاسه بيه، المهم أنها متكونش بتأذي حد، قبل ما تتكلموا بصوا على نفسكم، اتفرجوا على عيلتكم ولادكم اخواتكم الناس اللي حواليكم، قبل ما تنتقدوا وتغلطوا في تــربية حد، انا بنتي متربية كويس جداً".

‎شريف منير يوجه رسالة دعم إلى ابنته

‎وختم شريف منير حديثه موجه رسالة دعم إلى ابنته قائًلا:"ريحوا نفسكم ، لأن اللي حصل من بنتي مش غلط ومش عيب، هي مغلطتش في حد فيكم، هي حرة في نفسها، وعندها 36 سنة وأم وعندها بنوتة ومسؤولة عن نفسها، فـ أنا أب مسئول أنها أحميها، إنما هي حرة في تصرفاتها، وبكرر تاني أسما أنتي شكلك حلو جداً، وكنتي زي القمر وخدتي التريند برافو عليكي، متسمعيش كلام حد، ومتهتميش بكلام حد وأنا مش مهتم بالكلام اللي بيتقال عليا او عليها، المهم أن إحنا مبنضرش حد".

‎يذكر أن ظهرت أسما شريف منير في الدورة الثانية من مهرجان القاهرة للدراما، والتي أقيمت بشكل استثنائي في مدينة العلمين، وكان هذا أول ظهور لها أمام وسائل الإعلام بعد حلق شعرها.