يصادف اليوم حلول ميلاد الفنانة حنان سليمان الـ 63، والتي ولدت يوم 22 أغسطس عام 1960، ودرست في المعهد العالي للفنون المسرحية، قسم التمثيل، وبدأت مسيرتها الفنية في وقت مبكر.
قدمت حنان سليمان مع الفنان فريد شوقي الفيلم الأيقونة، "يا رب ولد،" بجانب ذلك قدمت حنان سليمان مع فتي الشاشة الأسمر أحمد زكي فيلم الحب "فوق هضبة الهرم"، وغيرهم من الأعمال الكثيرة ، ثم برزت إمكانيتها في دور الأم، التي جسدته أكثر من مرة، ولكن كل دور بطابع خاص ومختلف.
تعاملت مع والدتها بلغة الإشارة.. وتمنت أن تسمع صوتها
تواجدت الفنانة حنان سليمان، ضيفاً مع الإعلامين مفيدة شيحة، وسهير جودة، ببرنامج "الستات ميعرفوش يكدبوا"، وسردت في لقائها قصة معاناة والدتها المؤثرة التي كانت تعاني من الصم والبكم طيلة حياتها، وقالت: مامتي مكنتش بتسمع ولا بتتكلم، واللي بيعانوا من الصم والبكم لما بيزعقوا مش بيبقوا سامعين صوتهم عالي إزاي، فمامتي كانت صعبة أوي وقوية، وأنا مش طالعالها.
واستكملت حنان سليمان حديثها: مامتي كانت حلوة أوي وعروسة لقطة لبابا، عشان مش بتتكلم ولا بتسمع فمش هتعمله مشاكل، ومكنش في بينهم قصة حب، كان نفسي أكيد إنها كانت تكون بتتكلم وأسمعها، كنا بنتعامل بلغة الإشارة وكنت بفهمها عشان مفيش حلول تانية، الحوار بيننا كان لازم يكون مادي وملموس، حاجات نقدر نفهمها، وكانت حباني لما مثلت بس كانت بتقعد تتريق عليا وعلى شكلي.
طيبة مثل الشاشة.. حنان سليمان: دفعت تمن طيبتي
وأكدت حنان سليمان، خلال ذلك اللقاء أن أستنتاج الجمهور عن طبعها علي إنها طيبة بشكل كبير ليس فقط في التمثيل بل إنما في الحياة عموما ، وأشارت إلى أنها كانت تكره استغلال الناس لطيبتها.
وقالت: دفعت تمن طيبتي، الناس بتفكتر طيبتي ضعف، وأحيانا أنا بسيبهم وأنا عارفة إنهم كدة، بس دلوقتي اتغيرت لأني اتوجعت من أقرب ناس ليا، بس هما معذورين لأني مبينتش من بدري إني مش موافقة على ده، كنت دايما بطلعلهم أعذار عشان كنت محتجالهم ومحتاجة وجودهم في حياتي، وكنت شايفة إني من غيرهم هضيع.
تابعوا أخبار بلدنا اليوم على Google News
