أثارت الفنانة نرمين الفقي الجدل بعدما كشفت سر رشاقتها، مؤكدة إنها تعيش بروح متفائلة دائمًا، ولا تهتم بالزعل والمشاكل التي تمر بها في حياتها، حيث تنظر للأزمات بمنظور مختلف يجعلها أكثر تفاؤلًا وإيمانًا بأن كل شيء سيصبح على ما يرام.
وتحدثت نرمين الفقي في تصريحات تليفزيونية، عن سر رشاقتها، قائلة: أنا معنديش روتين معين للرشاقة، لكن السبب الوحيد هو أن قلبي حلو، ومبحبش النكد، ولو اتنكد عليّ من أخبار سيئة أو صادمة وسمعتها، بقول إن شاء الله خير، وعندي إيمان كبير بإن ربنا هيسترها معايا.
وقدمت نرمين الفقي نصيحة لجميع السيدات للمحافظة على جمالهن، حيث قالت في تصريحاتها: بقول لكل السيدات خلوا قلبكم حلو وإلعبوا رياضة كتير، ومش لازم جيم أنا أحيانًا بلعب رياضة في بيتي، والست لازم يكون فيها أكتر من حاجة مش مجرد جمال فقط، يعني تخلي بالها من جسمها ومن نفسها وتكون ست بيت وفي شغلها تبقى ست بجد شاطرة، وتحافظ على نفسها قدر المستطاع.
وتابعت نرمين الفقي قائلة: فيه ناس كتير ناجحين وكويسين أوي، ومفيش حاجة اسمها ست حلوة وست وحشة، ولكن فيه ست هي اللي بتخلي نفسها وحشة، فلو تخينة المفروض تخسس نفسها، وفي حاجة اسمها ست لما تفتح بقها بتكون عاوز تقول لها اسكتي ما تفتحيش بقك، وست مش مثقفة ومش مطلعة وده اللي بيوحش الست، ياريت نثقف نفسنا.
تابعوا أخبار بلدنا اليوم على Google News
