أعاني من مشكلة في الإنجاب..أبرز تصريحات رامي جمال مع أسما إبراهيم

رامي جمال.. تصدر الفنان رامي جمال ترند محركات البحث خلال الساعات الماضية، بعد عرض الجزء الثاني من حلقته في برنامج “حبر سري” مع الإعلامية اسما إبراهيم، والذي فجر خلالها العديد من التصريحات بأن لديه مشكلة في الإنجاب، وأمنيته أن يصبح أبًا.

وقال رامي جمال: “إرادة ربنا ما بتتعاندش وعرفت إني عندي مشكلة في الإنجاب، ونفسي يكون عندي ابن يكمل اسمي بس من نعم ربنا إنه بيراضيني بكل حاجة وباشوف ولاد أحمد أخويا ولادي وولاد أي حد أعرفه من قلبي ولادي سبحان الله ما بقيتش أفكر في موضوع الإنجاب كنت اللي بخاف عليه مراتي ناريمان وخفت تكون مؤذية من الحتة دي”.

وتابع:" وقلت لها في مرة احنا بنعيش مرة واحدة مفيش وقت تعملي جدعة وتضيعي على نفسك حلم الأمومة الراجل ممكن يعيش عادي الست اتخلقت عندها الغريزة رقم 1 الأمومة، عمري ما هشوفك قليلة الأصل لو مشيتي بس هي زيي قالت لي كل أنواع الرزق بتيجي لكل شخص لوحده إلا الخلفة دا رزق مربوط لاتنين ولو مكتوب لي أخلف منك هخلف منك هخلف منك ولو مكتوب لي هيبقى منك ولو مش مكتوب لي مش هسيبك لإني ممكن اتجوز من شخص تاني وما خلفش فساعتها هبقى خسرت البني آدم اللي بحبه وفي الآخر هو حلم بسيط بالنسبة ما بقاش نفس التفكير بتاع زمان، وطالما ربنا شايف إني أحسن لي مفيش أنا راضي، وجايز أخلف ويتخطف أو يبقى عنده مشكلة أو يحصل له حاجة قبله، فلازم نفكر إزاي اتمنع والحمد مش في العطاء ولكن في المنع".

وأضاف: "والله من قلبي بقول يا رب أنا راضي والله بكل حاجة حصلت لي واللي يهمني إن اللي بحبهم يبقوا كويسين وما يبقاش الموضوع عامل مشكلة جوا أهلي أو مراتي، أتمنى ميبقاش حد متضايق ليَّ لإني مش متضايق ومش الحلم الرهيب".

وعلق المطرب والملحن رامي جمال، على موقف ميريام فارس وتصريحاتها عن مصر، مشددًا أن مصر هي سبب نجاحها الكبير، حيث إنه لم يكن هناك قنوات خاصة بالأغاني إلا في مصر.

وواصل:"مريام فارس صوتها لطيف ولكن ليس الصوت الرهيب، مضيفًا: "اللي بينسى اللي شافة من البلد مينفعش يغلط، تغلط مش هنسيبك، أنت بتتكلم عن بلد وحس بالعظمة وتحدث بأسلوب جيد"، منوهًا بأن مصر أكبر من اسم مريان فارس".

وأكد أنه لم يأخذ فلوس مقابل أغنية للفنانة ميريام فارس، موضحًا أنها لم تغني الأغنية لكنها لم تعيد حقوق الملكية له، متابعًا: "ومبتردش عليا اللي خدته مني مش يخليني أجري وراها طول العمر".

وتطرق في حديثه عن منافسة الهضبة عمرو دياب:"مقدرش أنافس عمرو دياب أولا لإنه مش من جيلي وثانيا لإنه محتاج مجهود كبير أوي علشان يتنافس".

وأوضح: "زمان كنت حاسس أن عمرو دياب مش عايزني الحن له، وأنا زمان كان النجاح واخدني اوي ومكسر الدنيا أوي فكنت شايف نفسي أوي، وبعد كده لما قابلت الهضبة اكتشفت انه من الطف الناس اللى موجودة في الدنيا وانسانيا كمان، وحاجة مهمة أوي ليا اني اسمع اغنية بصوته".

وأكد رامي جمال، أن لفظ مطرب يعني الطرب بإمكانيات كبيرة، وأن الفنان أحمد سعد واحد من أنجح المطربين وهو صف أول الآن ومطرب قوي جدًا، أن الأغاني التي يطرحها أحمد سعد التي تنزل الأسواق الآن ليست هي من أقوى التي تظهر صوته ولكنها تحقق نجاحات كبيرة جدًا.

واختتم رامي جمال حديثه، أن أكثر فرق غنائية في مصر من بين الفرق هي فرق كايروكي ومسار إجباري وشارموفرز، موضحًا أن من يحدد الناجح هو الجمهور، وأكثر فرقة غنائية يفكر العمل معهم هو كايروكي.