حلت الفنانة مونيا بطلة مسلسل عائلة الحاج متولي ضيفة للإعلامية مروة صبري في برنامجها "قعدة ستات” المذاع على شاشة “القاهرة اليوم”، وكشف خلال البرنامج تفاصيل مشاركتها في العمل ومن رشحها لتقديم دور "ألفت"،والتي كانت محل انتقادات واسعة حينها.
وأوضحت مونيا خلال لقائها ببرنامج “قعدة ستات” إن زوجها السابق ممدوح يوسف منتج مسلسل عائلة الحاج متولي هو من رشحها للعمل.
وتابعت مونيا: أحترم كل الآراء واللي انتقدني وقال “عشان مرات المنتج”.. ولكن أستاذ نور الشريف مبيفوتش شعراية ومافيش حاجة اسمها حد يفرض حاجة على نور الشريف، ولما دخلت البروفة كنت مرعوبة جدا وكان حلم حياتي أمثل، ولقيته في البروفة كان قاعد مترقب، المنتج ممدوح يوسف والد أولادي هو اللي رشحني وقالهم شوفوا مونيا، وأنا بحب التمثيل وبحب الغناء.
وأشارت مونيا في حديثها: مكنش في غيرة بين بطلات المسلسل رغم أنهم سابقني بسنوات طويلة، الدور مكنش كبير كده ولما اشتغلت كنت بقعد في قعدات الكتابة، والمنتج كان بيحضر وبيتابع كل شئ، وكان بيشوف تفاصيلهم في المسلسل وهيعملوا ايه".
وأختتمت حديثها:" لما شافني أستاذ نور الشريف قال عايز دور مونيا يكبر هو وكل أبطال العمل ، وكنت ملتزمة وبسمع كويس وأي حاجة بيقولهالي بسمعه".
تابعوا أخبار بلدنا اليوم على Google News
