هاجم المطرب عمر كمال، تقنية الذكاء الاصطناعي عبر صفحته على موقع التواصل الإجتماعي “الفيسبوك”.
وكتب قائلا:" طب لو افترضنا إن فيه برنامج، عرف يجيب صوت أم كلثوم مثلا وده مش هيحصل أصلا، لأن ده صوت نازل بالجودة بتاعته من السما ملهوش بديل.. هتجيب إحساسها منين ووجعها، وهي بتقول وعايزنا نرجع زي زمان قول للزمان ارجع يا زمان، هتجيب منين الشموخ والكبرياء اللي في صوتها وهي بتقول بدي أشكيلك من نار حبي، بدي أحكي لك على اللي في قلبي، وأقولك على اللي سهرني، وأقولك على اللي بكاني وأصورلك ضنا روحي وعزة نفسي منعاني".
وتابع:" صوت الإنسان عبارة عن إحساسه، وتجارب حياته اللي عاشها كل ده بيصنع صوته، وملامح صوته استحالة أي حد مش برنامج، بس يعرف يجيب إحساس حد أو حتى عوربة حزن أو إحساس جملة قالها الصوت الحقيقي، الذكاء الاصطناعى حلو جدًا للموزعين والملحنين هيخليهم يبيعوا شغل كتير بجد".
وواصل:" لأنه ممكن يبعت للمطرب أو المطربة أغنية خلصانة كلام، ولحن وتوزيع متغني بالذكاء الاصطناعى، بصوت بلاستيك قريب من صوته، فالمطرب هيشوف نفسه في الموضوع على طول، وهيعرف أن الأغنية بتاعته، ولايقة عليه جدًا، وبدال ما يقول للموزع أو الملحن سيبني كام يوم، أشوف فيها نفسي وأجرب صوتي عليها، هيقوله الأغنية بتاعتي على طول لأنه شاف نفسه فيها".
واختتم عمر كمال حديثه:" لكن الذكاء الاصطناعي يعمل نجم، استحالة البلاستيك يبقى زي الحقيقي".
تابعوا أخبار بلدنا اليوم على Google News
