طالب الشاعر عمرو حسن جمهوره ومتابعيه بإحترام رأيه وعدم التدخل في قراره بشأن الإعتزال عن المسرح.
علق عمرو حسن عبر حسابه الشخصي على موقع التواصل الإجتماعي "فيسبوك"، قائلًا: "اعتزالي المسرح قرار مش محتاج لشرح ولا لتغيير ولا اعادة نظر وارجو احترامه وعدم الكلام فيه بشكل عام".
وأضاف " دي ارادة فنان عمل كل اللي عليه ووقف حفلاته، وانا مش محتاج شو انا عملت ٣٠٠ حفلة Fully Booked".
عمرو حسن
واختتم " وعلى مدار عشر سنين مكانش فيه كرسي فاضي لانسان قبل الحفلة بأسبوعين، القصيدة الجديدة ف الطريق ليكم، شكرًا".
وفي سياق أخر، قام الشاعر بنشر فيديو في الأيام الماضية عبر حسابه الشخصي، موضحًا خلال " أنا عمرو حسن شاعر بعمل الفيديو ده علشان أوضح نقطة توقف قطار حفلاتي اللي استمر أكتر من 10 سنين رفقة مجموعة كبيرة من الفنانين، وكل الناس المحترمة اللي كانت معايا، أنا حابب أوقف تمامًا حفلاتي".
وتابع "وكنت بعمل الحفلات علشان كنت مبسوط، وحاسس إني معنديش حاجه أقدمها والفترة دي مش مبسوط، عادي أتبسط بحاجات تانية وأتفرغ لحياتي الخاصة".
وأعرب الشاعر "بعيدًا عن الحياة الفنية، بحب الحاجات اليدوية، وأعمل الحاجة بنفسي، أدي وقتي لنفسي وكلابي وصحابي، وأكون حياة عاطفية وأسرية، وحاسس إني كان عندي حاجة أقدمها وقدمتها".
تابعوا أخبار بلدنا اليوم على Google News
