تصدرت الفنانة مروة عبد المنعم، تريند محرك البحث “جوجل” خلال الساعات الماضية، بعدما انهيارها من البكاء على الهواء مباشرة، بعد حديثها عن الأشخاص الذين تخلوا عنه في محنتها، وأثناء ابتعادها عن الفن.
وقالت مروة عبد المنعم خلال لقائها في برنامج "قعدة ستات"، المذاع على شاشة "القاهرة اليوم" وتقدمه الإعلامية مروة صبري:" كنت لسه بقول لبنتي مش عارفه أنا صرفت عليكم طول السنين اللي فاتت دي ازاي؟ بس بتمشي، أنا وقفت جمب نفسي محدش وقف جمبي، طبعا بعد ربنا، ربنا ده عظيم وكريم ، بقعد ساعات أقول أنا بصرف السنة دي ازاي".
تابعت: "أشرف زكي وقف معايا، إدوارد كان وقتها معايا، ومكنش كتير، ودول اللي كانوا اقفين معايا، ومش هقول مين أتخلى عني".
واصلت:" وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة".
وأضافت مريم عبد المنعم:" وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف في الجيش وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج وفصتح، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا".
تابعوا أخبار بلدنا اليوم على Google News
