انتقد رضا عبدالعال لاعب الأهلي والزمالك السابق، ثنائي الفريق الأحمر والأبيض مروان عطية ونبيل دونجا، بعد الأداء السئ في المباراتين الماضيتين أمام الداخلية وبيراميدز في بطولة الدوري المصري.
وقال عبدالعال في تصريحات تلفزويونية، إن مروان عطية لاعب أقل من العادي، ومبيرعفش يباصي، ولكن جمهور الأهلي أظهرت للجميع أنه صفقة ناجحة قوية، ومن أفضل لاعبي الوسط في مصر.
وأضاف:" ده خد كوبري، ده بقى (نفق)، إحنا عندنا نفق الشهيد أحمد حمدي ونفق تاني، وده بقى التالث".
وتابع: «أنا لو مكان دونجا، بعد الكوبري كنت سبت الملعب وخرجت، ده كوبري فيه قلة أدب، لما تاخد كوبري من لاعيب كبير عادي جدًا ده «شرف»، وأنما من ظهير أيسر «عيب».
وواصل عبدالعال: كنت أتمنى أن يتعاقد الزمالك مع توريه بدلًا من دونجا، كان سيكون إضافة قوية لخط وسط الزمالك، إنما دونجا (مبطل).
وأضاف: «بلاتي توريه، لاعيب برشلوني، ده كان بيلاعب الأهلي والزمالك وهو ديفندر لواحده، وهما بيلعبوا بثلاثة ديفندرات، شوفتوا الخيبة بتاعتنا والمدربين اللي مسكين الأهلي والزمالك».
وعن تركة للتدريب، قال: "مصر خسرتني في التدريب وفي التحليل، محدش بينفذ اللي بقوله عشان مش فاهمين اللي أنا بقوله".
واختتم: "بيقولوا اني بطلع بضحك الناس، أنا عمري ما قولت حاجة وطلعت غلط، هما اللي مبيفهموش أنا مالي".
تابعوا أخبار بلدنا اليوم على Google News
