قال المخرج أحمد نور مخرج فيلم "نقطة تحول، بين الألم والأمل إن نتمنى أن يكون فيلم "نقطة تحول، بين الأمل والألم" عند حسن ظن شعب مصر، وأن يوفي جزءا من تضحيات أبطال مصر، والفيلم بدأ بفكرة النائب محمود بدر، ثم بدأنا في معالجة الفكرة بالسيناريو والحوار مع باسم الخولى صانع محتوى الفيلم وفريقه، جاء ذلك خلال مداخلة هاتفية لبرنامج فن مشكل مع ليلى بدران على شعب.
وأضاف جمعنا قصص أبطال كتير، ما بين شرطة وجيش وقضاة وأبطال مدنيين، وكل قصة كانت أقوى من التانية، وكل فرد بطل فى حكايته.
ومن أعظم الجمل اللى سمعتها كانت جملة المقدم "إسلام العزب" لما قال ضمن الأحداث: "ربنا كرمنى بعبوة ناسفة ورصاصة فى الصدر، ومع كل إصابة كنت بكمل عشان مصر"، وكان فيه مزج بين المشاهد الحية للمصابين وبين المشاهد التمثيلية، وقدرنا نعمل ده فى وقت قياسي نظرا لأننا صورنا فى 7 أيام فقط.
وتابع الدعم الكبير كان من الشركة المتحدة للخدمات الإعلامية لإنها فتحت لنا كل أبواب المساعدة والمساندة من جميع الجهات التي احتجنا لها في التحضير والتصوير.
واختتم قائلا كل الماتيريال أتوفرت، لدرجة إننا لو طلبنا عربيتين مدرعة كان بيجيلنا أربعة، ولو طلبنا قوة تتحرك معانا كنا نلاقى معانا اتنين احتياطي، وبشكر أستاذ "اسلام عبد الحكيم" المنتج الفني للعمل لأنه كان بيتحرك معانا فى كل وقت، وبشكر كل فريق العمل اللى كان متكاتف عشان العمل يخرج بشكل مشرف.
تابعوا أخبار بلدنا اليوم على Google News
