قالت الفنانة أنوشكا لنغم اف ام خلال لقاءها في برنامج البر التاني تقديم محمد بكر، وانا في المدرسة كانوا بيهتموا بالفن جداً سواء أغاني أو إلقاء شعر أو مسرح، وكان الفن جزء لا يتجزأ مني وكنت بحب أركب الحنطور جداً ومن وأنا صغيرة معروف عني إني بحب الحيوانات جدا.
نرشح لك: مدحت العدل يعتذر عن حضور الحوار الثاني من منتدي حوارات الإسكندرية
وأضافت طفولتي كان فيها كتير من الشعننة وخصوصاً في الأعمال المدرسية، وصحيح اتطردت أسبوع من المدرسة بسبب زميلة ليا .
ومن وانا طفلة كنت بهتم بالحيوانات وأمي كانت فاكرة إني هبقى دكتورة بيطرية ورسالتي لكل أم: علمي أولادك يطبطبوا علي أي حيوان .
وتابعت هعمل أغاني جديدة الفترة الجاية و تجربتي في برنامج "صالون أنوشكا"، أشبع رغبتي جداً و تجربه استمتعت بيها جداً .
وبالنسبة للسوشال ميديا فخطتي في ٢٠٢٣ الاهتمام بها لأني على رأس كل سنة بشوف إيه الحاجات اللي حققتها وإيه الحاجات اللي المفروض أحققها في السنة الجديدة،وكل الأغاني بتاعتي هتكون على ال youtube chanel بتاعتي.
وعلقت مفيش حد بيدخل عندي ويطلع جعان أبدا، بس لازم ياكل أكل صحي ومسلوق،وابدت اعجابها بأسم البرنامج فقالت كلمة "البر التاني" بالنسبة ليا الطمأنينة انك متبقاش خايف من بكره وانك تلاقي ناس بتحبهم و بيحبوك و وقت ما تحتاج لهم تلاقيهم جنبك ، واحيانا الظروف بتحكم علينا يبقي عندنا أكتر من وش مع إني عمري ما حبيت كده .
واختتمت قائلة أقر و أعترف إن كرسي المذيع مش حاجة سهلة خالص بس تجربتي إني أكون مذيعة في برنامج صالون انوشكا كانت من أحسن التجارب في حياتي وكان انتاج جيد و اعداد جيد جدا وانا بشكرهم واتمني اني اكررها، وحاليا بحضر فيلم و مسلسل بس مش هقدر أقول تفاصيل .
تابعوا أخبار بلدنا اليوم على Google News
