قالت الإعلامية أميرة عبيد، إن الرجل ليس من حقه أن يعاقب زوجته على أخطاء الماضي لأنها حصلت دون وجوده في حياتها ولكن من حق الرجل أن يختار ما بيت استمرارا الحياة الزوجية أو إنهائها.
وأضافت أميرة عبيد خلال تقديم برنامج "هي وهما" على قناة الحدث اليوم، الرجل لو بيحب بجد هيكون لست أب وأخ قبل زوج وحبه واحترامه ليها هيكبر أكتر مع الصراحة مهما كانت الصراحة دي صعبة، لكن لو الموضوع اعجاب فقط يبقي من حق الراجل يختار يكمل أو ينسحب وفي الحالتين الست هي الكسبانة.. وفي نوع آخر من الرجالة مبيحبش يعرف حاجة عن ماضي الست اللي معاه وبيكون شايف إن مش من حقة يعرف مضيها !
تابعت، مش من حق الزوج يعاقب زوجته على أخطاء الماضي لأنه حصل في عدم وجوده ولكن من حقه أن يعرف الست اللي معاه دي كانت عايشه إزي في الماضي عشان اللي ملوش ماضي مش هيكون لي حاضر، وطبعاً كل راجل مثقف وفاهم هيكون عارف إن أخطاء الماضي هي اللي بتكون سبب في نضج وفهم الست اللي معاه ..ومن هنا يبدأ يقوم مراته ويقويها ويكون خير سند ليها ، ده شريك الحياة اللي فاهم إن كلنا عايشين عشان نتعلم من الماضي حتي نقدر نبني مستقبل ناجح .. وطبعاً كلامي كله موجة للرجالة مش لأشباه الرجال".
تابعوا أخبار بلدنا اليوم على Google News
