تصدرت الفنانة هند عاكف، مؤشرات البحث العالمي "جوجل" بعد تصريحاتها الأخيرة في برنامج "نص الكلام" الذي تقدمه الإعلامية راغدة شلهوب.
ويقدم لك "بلدنا اليوم" أبرز تصريحات هند عاكف، خلال الحلقة:
- ينفع الكلام ده مع فنانة بتشتغل وهي عندها 4 سنين، أنا كنت بدخل المهرجان ده والدعوة بتبقى في العربية.
- دمعتي نزلت دلوقتي عشان صعبان عليا تاريخي وتاريخ عيلة عاكف، اللي أنا شايلاه طول عمري ومحافظة عليه، يقوم المنظمين يعملوا كده، وكان فيه لازم أورود يتاخد، أنا معرفش راحت فين الدعوة، ولقيت نفسي وصلت، قولت استحالة يعملوا معايا موقف زي ده، لازم يدخلوني، أو يتصلوا بالإدارة جوه وهيدخلوني من غير مشاكل.
- هعتب على الأستاذ حسين فهمي، كرئيس مهرجان مش كفنان، المفروض يا أستاذ حسين كنت بلغت إدارة التنظيم إن لو حصل مشكلة نحلها إزاي؟ لو حصل مشكلة على الريد كاربت، وفيه فنان أو فنان جاي هيدخل بيته أو بيتها، ده بيتي المفروض، يقولولها اتفضلي، محدش يمنعها، أولا لتجنب المشاكل، ثانيا، لإن إحنا فنانين، والمهرجان ده مهرجان بلدنا ومهرجانا إحنا.
- بيقولوا القاعة بتتسع لـ 1050 كرسي فقط، ومش هنقدر نستوعب كل الفنانين أو مش هنقدر ندعي كل الفنانين، لو الدعوات راحت للفنانين بس، الناس كانت هتدخل وترتاح، البلوجر مع احترامي ليهم، الفنان الأول وبعدين البلوجر، السنة اللي فاتت كان قاعد جنبي 3 فيهم 2 دكاترة، وميطلعش البلوجر على الريد كاربت وهند عاكف ميتبعتلهاش دعوة.
- جهزت نفسي وعايزة أروح مهرجاني، وعايز أتابع المهرجان، والناس تعرف إني رجعت، وكانوا بيمنعوني، قولتلهم استحالة الدعوة نسيتها فعلا، وأنا أول مرة أقول كده، وده عادي ممكن زميل يقولي معاكي دعوة زيادة.
- أنا بلبس حاجات غريبة بس مبأذيش حد علشان أبقى بخالف الدريس كود والدريس كود على عيني وعلى راسي بس لو اتبعتلي دعوة واتطلب مني عدم مخالفته، لكن أناجيت ليه تحرجوني.
- أزمة عدم حصولي على دعوة بسبب رد مكتب الفنان حسين فهمي، عليا بأن دعوات الممثلين مع نقابة المهن التمثيلية، ورجعت للنقيب الفنان أشرف زكي، ورد عليا برسالة صوتية: "مفيش الكلام دة".
- رانيا يوسف أفضل من روبي فى دور الإغراء.
- منى زكي أفضل من هند صبري، رغم حبيث للفنانتين.
- أفضل العمل مع محمد هنيدي عن العمل مع محمد رمضان.
- بحب الرؤية الإخراجية للمخرج خالد يوسف مقارنة برؤية المخرجة إيناس الدغيدي.
تابعوا أخبار بلدنا اليوم على Google News
