بتصريحات صادمة.. عفاف مصطفى تتصدر التريند

أثارت الفنانة عفاف مصطفى، بتصريحاتها الصادمة الجدل بعد إعلان غضبها من عدم دعوتها لحفل افتتاح مهرجان القاهرة السينمائي.

وتصدرت عفاف مصطفى، مؤشرات البحث العالمي "جوجل" بعد التصريحات الصادمة لها، وقالت عبر صفحتها الشخصية على موقع التواصل الاجتماعي "فيس بوك": "فصلت فستان بسيط كلفني 7 آلاف جنيه على قد إمكانياتي لحضور مهرجان القاهرة السينمائي الـ44، عشان أفرح وسط زملائي، مضيفة: ولكن أستاذ حسين فهمي لم يرسل لي دعوة وأول مرة يحصل كده، ليه كده يا حسين؟".

كما أضافت في تصريحات صحفية: "الناس كلها لبست على مزاجها وراحتها.. الفساتين عادية ومبهرة وجميلة، مفيش حد إلتزم باللي قال عليه، ولا كلامي مش مظبوط؟، وكلها (كوبي) من الأزياء اللي بنلبسها في المهرجانات التانية".

وتابعت: "شيء طبيعي إن المهرجان يكون عايز لبس مبهر، لإن احنا ناس فنانين، ولازم الناس تشوف لبسنا على آخر صيحة، ونواكب أزياء دول العالم.. هو إحنا أقل من دول العالم يعني، نواكبهم في اللبس والتنظيم، إحنا مش أقل منهم، ومحدش التزم بالدريس كود، وده اللي شفته".

وواصلت: "والله أنا شفت إنهم داعيين ناس لا تمت بصلة نهائي للفن، اللي جايب قريبه واللي جايب المهندس، واللي جايب الدكتور بتاعه اللي بيعالجه، واللي جايب جاره، لكن الفنانين إحنا ناس أعضاء نقابة، وبعدين أنا جميع المهرجانات بروحها، اللي حصل ده إن محدش بعتلي دعوة، فمش فاهمه ليه؟، وبعدين هزعل ليه يعني؟ .. الفستان موجود والمهرجانات على قفا مين يشيل".

واختتمت عفاف مصطفى، تصريحاتها قائلة: "أنا عملت الفستان اللي قبله بتاع مهرجان الدراما مكلفني بتاع 16 ألف جنيه، و7 آلاف اللي عملت بيهم الفستان الجديد عشان المهرجان، قولت يلا دول ولا حاجة"، مش موافقة على الشروط اللي وضعها حسين فهمي لملابس الفنانات في مهرجان القاهرة السينمائي.. هنلبس جينز ولا عبابات يعني؟، مش مطلوب مني أتواصل معاه.. إحنا أعضاء بالنقابة والمفروض فيه عدد معين من الدعوات، ولكنه دعى ناس من خارج الوسط".

وكان الفنان حسين فهمي، رئيس مهرجان القاهرة السينمائي الدولين أعلن في مؤتمر صحفي عن وجود كود محدد للملابس التي سيرتديها الضيوف، وقال: "النجمات تلبس لبس بنشوفه في كل المهرجانات الدولية بدون مبالغة، أما الرجال فيكون بدلة سموكينج، وإنه لم يطلب شيئا غريبا بشأن الدريس كود الخاص بمهرجان القاهرة السينمائي الدولي، ولكن طلب أن يظهر الجميع بصورة لائقة تماثل ما يرتديه النجوم في المهرجانات السينمائية المهمة بكل دول العالم".

ومن ناحية أخرى تواصل الفنانة عفاف مصطفى، تصوير دورها في مسلسل طرمضان كريم 2" الذي من المقرر مشاركته في الموسم الرمضاني 2023.

يذكر أن أخر أعمال الفنانة عفاف مصطفى، مسلسل "أحلام سعيدة" الذي عٌرض في الموسم الرمضاني الماضي، وحقق نجاحًا جماهيريًا كبيرًا، وهو بطولة يسرا، غادة عادل، مي كساب، شيماء سيف، محمد أوتاكا، نور محمود.