شنت الإعلامية ياسمين عز هجوما شرسا على الفنانة مايان السيد، من خلال برنامجها كلام الناس، وذلك بعد إجابة الفنانة مايان السيد عن رأيها في الإعلامية ياسمين عز، فقالت :-" لا تعليق.. مش هاساعدها تشتهر".
حيث قالت ياسمين عز :-" فيه مثل أنا باعمل بيه، وهو من دق الباب لقي الجواب، يعني اللي يخبط على حد هيلاقي رد، من وجهة نظري الرد 3 أنواع، رد بالتجاهل، ورد بقلة الأدب، ورد بالأدب. أنا هختار الرد بالأدب، لأني ما باحبش قلة الأدب مع إن مفيش أسهل من قلة الأدب، ولأن اللي باقوله وباطبقه على غيري لازم أطبقه على نفسي أولًا".
وأضافت :-"لما تكوني لسه مبتدئة في بداية حياتك المهنية، ولسه بيكتبوا اسمك بالقلم الرصاص، حاولي ما تخوضيش معارك مجانية، ما تخلقيش لنفسك أعداء بدون داعي وببلاش، مش ذنبي إن الصحفي ما لقاش عندك تاريخ أو حاجة مهمة يسألك عنها فسألك عني، بدل ما تتكلمي عني، كنت طلبتي بكل احترام وتهذيب إن الناس تسألك عنك إنتي وعن شغلك إنتي، وانتي بنت ظريفة".
وتابعت:-" حاولي إنك تشتغلي على نفسك أكتر وتعملي أدوار مهمة وتصنعي تاريخ مهم تخلي الصحافة المرة الجاية تسألك عنك مش عني أنا، إحنا مش ملزمين إننا نحب بعض بس مجبورين نحترم بعض، احمدي ربنا إنه وقعك فيا المرة دي، أنا نادرًا لما بارد، مرة تانية ممكن تقعي مع حد تاني يستلمك ليل نهار مش هتخلصي منه، وتأكدي إن الإنسان لازم يشتغل بجد عشان يكون مهم، ولما يكون مهم هيسألوه عن نفسه هو مش ناس تانيين".
يذكر أن فيلم هاشتاج جوزني شارك في بطولته العديد من الفنانين، أبرزهم أمير المصري، مايان السيد، إسلام إبراهيم، ريهام الشنواني، صابرين، بيومي فؤاد، دينا، محمد محمود، وسامي مغاوري.
تابعوا أخبار بلدنا اليوم على Google News
