انعدمت الإنسانية من قلوب بعض الاهالي وسيطر الجهل والخرافات على العقول، وأصبحت فكرة الزواج وسترة الفتاة بالزواج هي الفكرة الوحيدة المسيطرة على العقول دون التفكير في عواقبها أو أن الفتاة لازالت طفلة، ليقوم بعض الأهالي بتزويج أطفالهم بحجة السترة وبمجرد الاشهار دون مأذون، لتتفاجئ الطفلة بعد ذلك بأنها مسئولة عن حياة بأكملها دون فهم للأمر.
أمر المحامي العام الأول لنيابة جنوب الجيزة الكلية بإحالة شخص إلى الجنايات، لاتهامه بهتك عرض طفلة - بغير قوة أو تهديد، بأن قام بمعاشرتها جنسيا حال كونها لم تبلغ من العمر ثمانية عشر سنة ميلادية.وفيما يلي ننشر أقوال نص الضحية:
س/ ما تفصيلات ما حدث ؟
ج/ اللي حصل اننا اتقدملي زوجي لخطبتي وانا وافقت وأهلي كمان وافقوا وحددنا ميعاد كتب الكتاب وفعلا تم الزواج وكتبنا الكتاب وعملنا الاشهار في البلد، وبعد يوم من كتب الكتاب لقينا ناس جت لنا وبيقولوا إنهم من الأمومة والطفولة وإن الجوازة دى مش سليمة وقالوا إن مينفعش تتجوزى دلوقتي إلا بعد السن القانوني وقعدت معايا واحدة وقالت إنها مسئولة الأمومة والطفولة واتكلمت معايا وحاولت تنصحنی إنی متجوزش وأنا قولتلها أنا موافقة على الجواز بإرادتي ومفيش حد أجبرني ولا استغلني على الجوازة دى وتاني يوم عملنا الفرح وروحت بيتي مع جوزى وعايشة لحد دلوقتي مع جوزی ومفيش أى ضرر عليا.
س/ متی وأین حدث ذلك ؟
ج/ الكلام ده حصل في أطفيح جيزة.
س/ وهل اتممتم ذلك الزواج ؟
ج/ أيوه.
س/ وهل قام ايا من والديكي بإجبارك على ذلك الزواج ؟
ج/ لا.
س/ وهل كنتى على علم بأنه لا يمكنك الزواج الا ببلوغ الثمانية عشر ميلادية ؟
ج/ لا معرفش.
س/ وهل من ثمه إكراه وقع عليك في تلك الزيجة؟
ج/ لا انا متجوزة برغبتي ومحدش أجبرنی.
س/ وهل عاشرك المدعو معاشرة الازواج؟
ج/ أيوه.
س/ وهل تمت تلك الزيجة بمأذون شرعي ؟
ج/ أنا معرفش بس الزواج عملنالوا إشهار والبلد كلها عرفت بيه.
س/ وهل تم اشهار ذلك الزواج ؟
ج/ أيوه الناس كلها عرفت إني اتجوزت ودخلت.
س/ وهل تمت تلك الزيجة وذلك العقد برغبة الجميع ؟
ج/ أيوه أنا كنت موافقة وأبويا كان موافق وأهلي كلهم كانوا موافقين ومحدش أجبرنی علی حاجة.
س/ وهل أجبرك أحد عن انقطاعك عن التعليم ؟
ج/ لا أنا في سنة أولى تجارة وإن شاء الله هكمل تعليمي.
س/ وما قصدك الآن من اقوالك ؟
ج/ أنا عايزة أقول إني مش بتهم حد بحاجة وأنا متجوزة ومبسوطة مع جوزى.
- نص اعترافات الزوج المتهم
س/ ما قولك فيما هو منسوب اليك من انك متهم بالاشتراك مع آخر بهتك عرض المجنى عليها الطفلة والتي لم تبلغ الثمانيه عشر عاما ميلاديه وعلى النحو المبين بالاوراق ؟
ج/ محصلش واللي حصل انى اتجوزت على سنة الله ورسوله وعملت فرح وإشهار وكان في معازيم.
س/ وما سبب تواجدك بسراى النيابه ؟
ج/ هو انا لما عرفت ان النيابه عاوزانی فجيت من نفسي علشان اقول اننا تزوجت زوجتى على سنه
الله ورسوله وعملنا فرح واشهار قدام اهل البلد كلها وهيا وافقت على الجواز بأرداتها وعايشه معايا
س/ وهل من ثمه شاهد على زواجك من المدعوه؟
ج/ ايوة البلد كلها شاهده على الجواز لاني عملت فرح واشهار وكان فيه معازيم
س/ ومن هو القائم على كتابه عقد الزواج ؟
ج/ احنا اللي كتبناه لانه هو عقد مطبوع واحنا مليناه
س/ وهل تقابلت مع ايا من مسؤلي الامومه والطفوله ؟
ج/ايوه في بيت ابو زوجتي اللي في اطفيح جيزة
س/ وهل اتممت الزواج ؟
ج/ ايوة.
س/ وهل قمت بمعاشرة المدعوه معاشرة الازواج ؟
ج/ ايوه.
تابعوا أخبار بلدنا اليوم على Google News
