قال الإعلامي محمد موسى، "أنا كمواطن متفهم جدا إن قرارات الإصلاح الاقتصادي الأخيرة التي صدرت اليوم لها انعكاسات صعبة علينا كلنا وإحنا متحملين علشان خاطر بلدنا.. لأن الحقيقة بلدنا تستحق مننا ".
وأضاف محمد موسى خلال تقديم برنامج "خط أحمر" على قناة الحدث اليوم، لكن كمان إحنا نستحق إننا نعيش بشكل كريم وده اللي بيحصل من خلال مبادرة زي حياة كريمة كلفت الدولة مئات المليارات وغيرها من المشروعات الموجودة في كل شارع في مصر".
تابع، بالبلدي كده يا جماعة.. أبويا اللي هو كبير البيت قاعد بيخطط لمستقبل بيته فتلاقيه بيشتري شقة لحد من عياله وبيحاول يعلم التاني ويصرف عليه كويس وبيحاول يجهز بنت من بناته علشان يجوزها ده غير مسؤوليات البيت اليومية فيبدأ الراجل يفكر إزاي يعمل كل ده حتى لو هييجي على ولاده شوية وبيتحرك في حدود إمكانياته وهو ده الحقيقة اللي إحنا عايشينه في مصر.. ظروفنا صعبة.. إمكانياتنا على قدنا.. يمكن على قدر صعوبة إجراءات الإصلاح اللي أعلن عنها اليوم على قدر إننا بنحلم لولادنا بمستقبل أفضل لبلدنا".
تابعوا أخبار بلدنا اليوم على Google News
