الأفكار بتتطور.. كيف دافعت بسمة عن تصريحها أنا مش بقرة.. فيديو

دافعت الفنانة بسمة عن قولها "أنا مش بقرة" أثناء إثارة قضية أن المرأة غير مطالبة بإرضاع طفلها، وأن من حقها المطالبة بأجرها على الرضاعة، بأن تصريحاتها تم تحريفها.

بسمة ترد على جدل "أنا مش بقرة".. وتكشف: الأمومة غيرتني#كلمة_أخيرة #لميس_الحديدي @lameesh pic.twitter.com/YwqHQNdABQ

— ON (@ONTVEgy) October 18, 2022

وأضافت في استضافتها ببرناج كلمة أخيرة، الذي تقدمه الإعلامية لميس الحديدي، والمذاع one: "أنا باعيد نفس الكلام تاني، وكنت شايفة كده قبل الأمومة، أنا مش عايزة أبقى آخد بالي من ابني أو بنتي طول الوقت، ومش عايز أرضع؛ لأن أنا مش بقرة، وانتهى بي الحال أني رضعت بنتي سنتين".

وأوضحت أن "السوشيال ميديا أخذت جزء من الجملة، وتم تحريفها، وظللت يومين تريند، والمحيطين بي بيقولوا لي أنت تريند، فكنت أقول لهم ساخرة: دول بيقولوا عليا بقرة يا جماعة! مع أن البقرة كويسة".

وتابعت "لكن عمومًا الأفكار بتتطور، فقبل الولادة كنت شايفة أن الطبيخ شيء ممل جدا، وبعد ما خلفت، بقيت أطبخ وبنتي تحب الأكل، وبدأت أنفسن لو حد عمل أكل أحسن مني، وازاي أوصل أكلي لمستوى يعجبها، فاكتشفت إن الطبخ فيه متعة ما كنتش حاساها قبل كده".

واختتمت بقولها: "أنا متفاعلة جدا على جروب الأمهات، وعمرو حمزاوي عضو في جروب الأمهات، ودخوله في جروب الأمهات خلى العديد من الأبهات يدخلوا على جروب الأمهات، فتحول من جروب الأمهات لجروب الفصل أو جروب الأهالي".