بسمه وهبة توجة رسالة داخل غرفة العمليات.. "صاحبتي ماتت من الحسد"

خضعت الإعلامية بسمة وهبة، لأكثر من عملية جراحية، مما جعلها تصف وضعها داخل غرفة العمليات بأشبه بالخروف.

وقامت بسمة وهبة بنشر فيديو علي موقع التواصل الاجتماعي للفيديوهات والصور "إنستجرام" وكانت من داخل غرفة العمليات، وقالت فيه: «الواحد عامل زي الخروف.. معزة.. خروف داخل يتدبح.. يارب يا كريم.. يارب يا وفاء يرحمك.

وعلقت بسمة وهبة، على الفيديو قائلةً: "واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة اتكلم لما أقدر حكلمك راحت ردت عليه قالت لي آه مانتي مشغولة صحيح كل يوم في بلد وبتتفسحي فعاوزه أقولها هي واللي زيها إن أي صورة على السوشيال ميديا حلوة، وراها أوقات وحشة وأي صورة فيها سعادة، وراها أوقات تعاسة وألم، صحيح ممكن أكون مسافرة بس بعمل عملية ممكن أكون مسافرة وفي عملية وفي البنج وحزينة". 

أضافت بسمة وهبة: "لأن صاحبتي ماتت قبلها بيومين حتى وأنا في البنج وتعبانة حزينة عليها وبدعيلها، وممكن أكون مسافرة اتعالج مش اتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو مايضايقكيش يعني، أحب أقولك أنتي واللي زيك ربنا ما يحكم عليكي يا بنتي باللي في الواحد، وأحمدي ربنا إنك مش مضطرة تسافري عشان تلاقي حل لمرض نادر من فضلكم، ارحمونا وسيبونا في حالنا أنا صاحبتي وفاء ماتت من الحسد

وكانت وجهت الإعلامية بسمة وهبة نصيحة لمتابعيها، عبر حسابها الرسمي بموقع التواصل الاجتماعي "انستجرام"، حيث نشرت صورة لها وهي تظهر بلوك كاجول بنطلون جينز وارتدت عليه تي شيرت أبيض مكتوب عليه باللون الذهبي اختاري السعادة، وعلقت قائلة:"خلي السعادة اختيارك".

وتفاعل جمهور الإعلامية بسمة وهبة، مع تعليقها "خلى السعادة اختيارك"، حيث رد أحدهم: "لو هي كانت اختيار كان زمان كل الناس سعيدة.. لكن في ظروف حياتية كتير أوي بتحكمها"، لتوضح الإعلامية :"لو عندنا رضا بالقدر والنصيب هتكون السعادة اختيار لأنك حترضي وتكوني سعيدة مهما كان من ابتلاءات".

وفسر البعض، في التعليقات على أن بسمة وهبة تعيش حالة من السعادة، لقرارها أنها لن تركز فيما تعانيه من مرض بمعدتها والتي ستخضع بسببه لعمليه جراحية أخرى الشهر القادم.