تحدث الإعلامي أحمد شوبير، عن أخر التطورات الصحية لصانع ألعاب النادي الأهلي محمد مجدي أفشة، بعدما أجرى جراحة الفتاق.
وكشف شوبير عن تفاصيل مكالمة جمعته مع افشة، مشيرا أن افشة يرفض بشكل قاطع الرحيل عن الأهلي في حالة رفض المسئولون بالنادي العرض التركى المقدم للاعب.
وقال شوبير: "حدث اتصال بيني وبين أفشة وقالى ليا عتاب عندك يا كابتن، أنت قولت إنى اتأخرت فى إجراء جراحة فتق البطن، وأنا هشرحلك الأسباب".
وأضاف: "أفشة قالى ياكابتن كان عندى فتق يمين قبل ما أجى الأهلي وعملته، وبعدها جالى الفتق الشمال، وبلعب بقالى 5 شهور وأنا بتقطع ومقدرش أفتح بوقى عشان الظروف اللى فيها الأهلى، وبقالى 3 سنين مخدتش إجازة فقلت أخد إجازة 15 يوما وبعدين أعمل العملية، وده اللى حصل، وهفك السلك النهارده، وابدأ الجرى من بكره بشكل عادى".
واستكمل: "أفشة قالى إن فيه عرض تركى بالفعل وكيله بيتناقش فيه مع مسئولي الأهلى، بس لو الأهلي رفض قالى نصاً مقدرش أقول للأهلي لأ أنا كنت عندك في برنامجك وقولتلك حلمى أنى ألعب في الأهلي، لكن لو الأهلي رحب بالعرض يبقى لازم أشوف أكل عيشى".
وختم شوبير تصريحاته الإذاعية: "أفشة قالى أبويا بيخاصمنى لما الأهلي بيخسر وبيكون يوم نكد علينا كلنا، وأفشة كمان لمحلى أن ممكن يكون في تمديد لعقده مع الأهلي الفترة الجاية".
تابعوا أخبار بلدنا اليوم على Google News
