حلا شيحة تكشف حقيقة انفصالها عن معز مسعود

كشفت الفنانة حلا شيحة حقيقة انفصالها عن زوجها الداعية معز مسعود، حيث قالت فى تدوينة عبر حسابها الخاص على موقع إنستجرام:" حابة أقولكم مفيش أى خبر اتكتب عن معز وعنى يخص الطلاق صحيح".

كما أشارت إلى أن كلامها في بوست سابق نشرته قبل أيام، لم تكن تقصد به الإشارة لانفصالها وأنه مجرد كلام عام موجه لشخص بعينه، لكن تم فهمه بشكل خاطئ.

وأكملت حلا شيحة وقالت:"لكل المتابعين والمحبين على صفحتى وفى الوطن العربى حابة أقولكم مفيش أى خبر اتكتب عن معز وعنى يخص الطلاق صحيح، وكلامى فى البوست اللى فات كان كلام عام ولم أقصد بيه حد معين أبداً".

وأضافت حلا قائلة:"ومعز بعيد عن الكلام ده تماماً بالعكس هو سبب كبير لحاجات جميلة فى حياتى وحياة أولادى، ومشفتش كتير زى أخلاقه واحترامه وعيب الكلام اللى بيتقال عن صفحات السوشيل ميديا كله مش صح ابدا ً".

وذكرت حلا :"فى مشاكل أكبر بكتير وحاجات أهم بكتير ممكن نتكلم فيها، وأنا على صفحتى بحب أشارك جمهورى ساعات بمعانى بحسها، وبحسهم زيى وبحب أتواصل معاهم وأبقى موجودة معاهم مش أكتر من كده".

وأشارت حلا شيحة:"بالنسبة لحجابى أنا قلت بحاول زيى زى بنات كتييير، وأكيد مش أحسن حاجة بس أنا كدة دلوقتى والحمد لله، وأنا مش شيخة أنا إنسانة عادية جداً ليا حسناتى وليا سيئاتي، والبشر كلهم كدة فبلاش حد يزايد على حد وبدل ما نتريق أو نقول كلام مش مهم، نكون متصالحين مع نفسنا ونبطل نحكم على بعض، إحنا بشر مش ملايكة".

الجدير بالذكر أن الفنانة حلا شيحة، شاركت متابعيها، قبل أيام، مجموعة صور تجمعها بأولادها و صديقاتها عبر حسابها على إنستجرام، و كتبت حلا شيحة: "لحظات في حياتنا بتعدي مع ناس بنقابلهم مرة في العمر، ولحظات مع أولادنا بنحس بيها بفرحة وحب وأمل، و لحظات مع نفسنا بنتأمل فيها حياتنا كل أيامنا لحظات".

وتابعت حلا شيحة: "علشان كدة مفيش حاجة تستاهل الزعل و التفكير الزيادة، وأجمل حاجة أن الواحد لما يتعب أو يحس أنه تايه أو  متلخبط، لازم يبقي متأكد أن مشاعره بتقوله حاجات محتاج يعرفها أو يفهمها، أو  يفهم نفسه أكتر و نتعلم و مش عيب نقول غلطنا، و مش عيب نصلح أخطائنا بس أهم حاجة منكملش و نعاند نفسنا،و نعاقب نفسنا ونحكم علي نفسنا بالفشل  الفشل اننا نسيب نفسنا جوا نفس المشاكل و نستسلم".