علق إسلام الشاطر، نجم النادي الأهلي السابق، على أنباء استبعاد الفريق الأحمر من المشاركة في بطولة دوري أبطال أفريقيا الموسم القادم.
وقال إسلام الشاطر في تصريحات عبر برنامجه على قناة “الأهلي” : “هناك أخبار تحاول زعزعة استقرار النادي الأهلي، وعاوزين لاعيبة الفريق يبقى في دماغها ألف حاجة في مباراة الخميس”.
وتابع: “هل ينفع بطولة دوري أبطال أفريقيا ميبقاش فيها عملاق أفريقيا، دا الكاف نفسه يخسر، بالمناسبة آخر 6 نهائيات الأهلي لعب منهم 5 ونجح في الفوز بـ2 وخسرنا 3 ألقاب”.
وأضاف: “عن أي عدل تتحدثون، هل يصح إرسال أسماء فرق بعينها بدون ما الأهلي يلعب نفس عدد المباريات التي لعبها”.
وأكمل: “إحنا بقالنا 4 سنين بنختار كده هو إيه حصل هذا الموسم ولو تم إرسالها يوم 31 هيكون فيه ظلم للأهلي لأن هيكون فيه مباراة مؤجلة أمام الإسماعيلي أنت عايز تلعب مكان سيد أفريقيا هل هذا كلام”.
واختتم: “اللي هيحصل خلال الأيام اللي جاية هو اللي اتبعت من الاتحاد المصري بشأن الأندية اللي هتشارك في أماكنها في دوري الأبطال والكونفيدرالية، وبقولها تاني وهفضل أقولها لو قفلنا النادي الأهلي 10 سنين ونمنا وصحينا محدش هيعديه برضه”.
تابعوا أخبار بلدنا اليوم على Google News
