عبد الستار صبري: منتخب مصر تعرض للسحر والشعوذة عشان يخسر

كشف الكابتن عبد الستار صبري، لاعب المنتخب الوطني السابق، عن أن المنتخب المصري عانى في فترات طويلة من أعمال سحر وشعوذة، وروى موقف حصل له خلال تولي محمود الجوهري تدريب المنتخب قائلا: "كنا ريحين نلاعب منتخب عربي قوي وكنا رايحين نلاعب المنتخب العربي في بلادهم".

وروى عبد الستار صبري، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أن الكابتن الجوهري اصطحب معهم شيخ ليفك أعمال السحر متابعا: "من كتر قوة المنتخب العربي ده الجوهري جاب واحد معانا يفك أعمال السحر واحنا مكناش نعرف أنه متواجد معانا في الطيارة".

واضاف: "أول لما وصلنا من الطيارة وقبل ما نطلع الاتوبيس الجوهري منعنا نطلع، وواحد طلع الاتوبيس يقرأ قرآن وبرضو لما وصلنا الفندق حصل نفس النظام، ولما رحنا على المباراة الجوهري حط التشكيل بشكل قوي جدا وشخص كل لاعب بالحاجة اللي ممكن يتأثر بيها، وشوفنا حاجات مش مظبوطة وسحر واتغلبنا في الاخر".