قال الفنان حسن يوسف: "عرفت الشيخ الشعراوي أكتر لما روحت أفطر معاه في رمضان، وكنت قاعد جنبه متلبش، ولقيته لذيذ وطيب وحلو، وقعدت طول الليل أسأله بعد لما صلينا التراويح، وقلت له أنا اتشعبطت في الجلابية يا مولانا فقالي اتشعبط براحتك".
وأضاف خلال لقائه ببرنامج "كلام الناس" المذاع على قناة "MBC مصر": "تعلمت من الشيخ الشعراوي لما حد يطلبك لازم ترد، وبقيت ضمن موردينه، وجيت قلت له يا مولانا أنا عايز أعمل مسلسل عن حياتك قاللي لو عملت عن حياتي هنختلف استنى لما أموت اعمل اللي انت عايزه، وفضلت في دماغي الفكرة".
ولفت: "أنا كنت أحضر دروسه لحد آخر أسبوع في حياته، وهو ليس سببًا في اعتزال شمس البارودي إلا آخر أسبوع في حياته لما عرفت أنه مريض، وزارته ودخلت عليه، وسلمت عليه وقبلت ايده وقالها ادعيلي يا بنتي انتى متعرفيش مقام التقبيل عند الله كبير أوي".
تابعوا أخبار بلدنا اليوم على Google News
