رسالة شكر من رامي وحيد لفريق عمل المماليك

شكر الفنان رامي وحيد، عن نهاية مسلسل"المماليك"، المخرج حازم فوده، وفريق العمل بأكمله.

حيث نشر رامي وحيد، عبر حسابه الشخصي على موقع التواصل الاجتماعي"فيسبوك"، وقال: "بعد نهاية المسلسل احب اقول ان شخصية علي فهمي من مسلسل المماليك كانت نقله مهمه ليا في مشواري بشكر كل اللي كان ليهم دور في خروج التجربة اللي ربنا كرمنا فيها كرم كبير بحب الناس ليها و نجاحها بالشكل دا".

وأكد: "من أول ترشيحي للدور من المخرج حازم فوده اللي بيشيل على كتفه أمانة و حق كل واحد اشتغل في المسلسل كنت قد الأمانة وبشكرك على ثقتك فيا في الدور الصعب الجديد عليا اللي فيه كل الأبعاد دي ويا رب أكون كنت قد الثقة دي في أول تجربة دراما ليك، والمؤلف هشام هلال المبدع الموهوب واحد من أهم العناصر اللي شدتني للمسلسل".

وأفاد: "بداية نجاحنا كلنا ألف شكر على العظمة دي، للمنتجين اللي تحدوا ظروف صعبة على مستويات كتير إيهاب منير وشركاه ألف ألف شكر على المستوي دا، للصورة المحترفة اللي اتعامل مع كل أدواته بمعلمه أحمد الفاره، والديكور كامبا العالمي والمنتج الفني المحترف اللي اتحمل كل المشاكل حلال العقد أحمد زكي، الستايلست علا علي، اللي عملتلي شكل جديد عليا جدًا".

وأضاف: "أول مرة أظهر بيه شكرًا على مجهودك الجبار وذوقك الحلو أوي، لكل الزملاء الممثلين اللي استمتعت بالشغل قدامهم الفنان الموهوب التلقائي ابن الأصول محمد لطفي، النجمة رانيا يوسف تاني قصة حب لينا وعقبال نجاحات كتير مع بعض، فيدرا المجتهدة اللي استمتعت بأول مرة نشتغل فيها مع بعض وأتمنى تتكرر".

وتابع "وحيد": "والقمر عائشة اللي من أحلى المشاهد اللي اتقابلنا فيها، وصديقي المتعدد المواهب اللي عامل دور حلو أوي رامي غيط، ونانسي صلاح الخطيرة، والأسطورة بيومي فؤاد اللي للأسف ما اتقابلناش حتى في التتر، والرايق محمد سليمان صديقي المحترف، وعمر حسن يوسف الجامد السهل الممتنع".

واختتم: "أحسنتم جميعًا واتشرفت جدًا بالشغل معاكوا والفرحة الكبيرة بنجاح المسلسل على مستوي الجمهور نسيتني أي تعب يا رب دائمًا أكون عن حسن ظن الجمهور والزملاء وأهلي وأصدقائي".