الفنان عادل الفار يكشف عن السبب الحقيقي لوفاة نجله شادي

أكد الفنان عادل الفار، أن وفاة نجله شادي، حدثت بسبب إهمال طبي في إحدى المستشفيات، إثر تعرضه لوعكة صحية شديدة.

وأضاف: "ابني كان صدره بيوجعه وكان رافض يروح المستشفى ومع إصرار والدته مع الوقت راح واتحجز يوم واحد في المستشفى واتوفى تاني يوم".

وتابع: "في حاجات كتير شفتها حصلت في المستشفى كانت صعبة أوي، ابني عنده 35 سنة ومكنش لسه اتجوز ولا فرحت بيه".

وأفاد: "والدته انهارت لما عرفت الخبر وقالت يارتني ما سبته في المستشفى".

واختتم تصريحاته بقوله: راض بقضاء الله وقدره.

وكانت آخر كلمات الراحل، تعبر عن مدى حزنه؛ بسبب ما وصفه من غدر الأصدقاء، وكتب قبل أيام قليلة من وفاته عبر حسابه بموقع التواصل الاجتماعي: "هو فيه إيه الدنيا جرا فيها إيه هو أنا عايش ولا مت ودخلت النار حد يرد عليا حد يفهمنى من بعد الحب والود والعيش والملح وطبعا الأهم المصالح الطالعة وقتها، إنما دلوقتى الوقت اللي محتاج فيه لكل الناس بيطلعوا يجروا أول مايشفوني وعجبي الصاحب لما يبيع صاحبه ويحلق له".