"حبايبي متقارنوش نفسكم بحد".. سمية الخشاب تقدم نصيحه للطلاب وأهاليهم

قدمت الفنانة سمية الخشاب نصائح ذهبية لأهالي الطلبة وكيف يتعمله مع أولادهم.

حيث نشرت سمية الخشاب منشور عبر حسابها الخاص على موقع التواصل الاجتماعي تويتر تنصح فيه أهالي الطلبة حيث قالت "‏حبايبي متقارنوش نفسكم بحد، احنا بنشوف الناس من برا بنفتكر انهم حياتهم احسن بكتير مننا بس هما بيبقوا مخبيين حاجات يمكن اصعب من اللي عندنا، دايما اعرفوا انه كلنا اتخلقنا عشان نتعب مفيش حد "مرتاح"، ‏عشان لما تبوظوا نفسيتهم بتيجوا تندموا فالاخر وعلي فكره هما بيبينوا انه عادي بس الحاجات دي بتأثر فيهم جدا وممكن تقلل ثقتهم في نفسهم او توصلهم انهم يكرهوا نفسهم ويكتئبوا وكل ده اصلا علي مفيش، لان اكيد عندهم حاجه مميزه وافضل من الحاجه اللي عند الناس اللي بتقارنوهم بيهم".

ويذكر أن سمية الخشاب اختتمت حديثها قائلة" ‏ياريت اولياء الامور والاهل ميضغطوش علي عيالهم ويعملوا المقارنات دي زي "شوفي بنت خالتك شاطره ازاي وجايبه كام" أو "شوف ابن عمك بيشتغل فين وانت فاشل" و "ياريتك زي فلان" عشان انتوا الاهل شايفين الناس دي من برا ومتعرفوش انه بنتكم او ابنكم ممكن يبقوا مميزين في حاجه تانيه اكتر منهم، ‏فياريت الاهل ميشدوش علي عيالهم لو جابوا تقدير قليل او درجات مش كويسه عشان مش كل اللي جابوا تقديرات عاليه او الدرجات النهائيه بقوا حاجه!!! نفسيه عيالكم مش لعبه وهما دول المستقبل".