شارك الشاعر عبد الله حسن زوج الفنانة غادة رجب منشورا على صفحته الشخصية على مواقع التواصل الاجتماعي "فيسبوك" بشأن ما أثير حول أزمة وفاة وائل الإبراشي من خطأ طبي تعرض له على يد الطبيب شريف عباس.
وكتب عبد الله حسن في المنشور قائلًا: "شهادة لله و كلمة حق.. الأستاذ الدكتور شريف عباس الطبيب المعالج للمرحوم وائل الابراشي قام بعلاجي انا شخصيا ومراتي وعائلتي بالكامل ده غير الاصدقاء والمعارف اللي وصلتهم بيه وربنا كتب ليهم الشفاء على ايده هذا الطبيب المحترم الانسان اول ما نتيجة مسحتي كانت ايجابيه جالي في البيت بنفسه واعطاني الدوا (الاقراص) اللي الناس بتقول عليها مع البروتوكول واخدتها انا والحمد لله ربنا كتبلي الشفاء".
وأضاف عبد الله قائلًا: "لم يتقاضى الطبيب جنيه واحد نظير علاجة لي او لأي شخص عالجه ما يحدث مع هذا الطبيب المحترم هي حملة تشهير ممنهجة دون انتظار نتائج التحقيقات في الأمر من قبل نقابة الاطباء او المحكمة وانا مستعد للادلاء بشهادتي دي في الصحافة وفي اي مكان".
ودخل الشاعر عبد الله بعد نشره هذا المنشور في الكثير من الجدال مع المتابعين ومنهم المذيعة بسنت بكر والتي علقت قائلة: "اقراص ايه اللى اخدتها ياعبد الله ..اسمها ايه وهل هى هياها اللى اخدها استاذ وائل ؟ ارملته قالت ان وائل الابراشى نفسه كان هيرفع قضيه اذا رجع وتم شفائه.. وطالما هو قال كده هو اكتر حد عارف هو اتأذى قد إيه.. خسارتنا فى وائل الإبراشى كبيره والاعمار فى النهايه بيد الله وخللينا نشوف التحقيقات".
لم يكتفي عبد الله عند هذا المنشور فحسب بل رد على تعليق بسنت قائلًا: "الراجل مخترعهاش ومعنديش علم اذا كان دي اللي خدها وائل او لا بس هي دي الاقراص اللي اتكلم عليها خالد منتصر وقال ان الدكتور بيقول دي علاج سحري للكورونا وده محصلش واشهد بكده"، وتابع عبد الله حديثه قائلًا: "ثانيا كلام زوجته انا مش فاهمه من ناحيه كان مستني يخف ويقاضي الدكتور متهيالي لو اخطأ مكنش هيستنى والا ساعتها يبقى وائل الابراشي بيداري على الناس تجربته مع دكتور نصاب ولو تعبان مش قادر كان وكّل حد يرفع قضيه او على الاقل يقول للناس بلاش الدكتور ده وثالثا انا زيك في انتظار التحقيق بس شهادتي ان الراجل ده دكتور شاطر ومحترم وعلى ايده ناس كتييييييييير جدا شفيت تماما".
تابعوا أخبار بلدنا اليوم على Google News
