غادة رجب عن فيلم 200 جنية.. من الأفلام اللي هتبقي في التاريخ

نشرت منذ دقائق المطربة غادة رجب عبر صفحتها على موقع التواصل الإجتماعي "فيس بوك" صورة 200 جنية تتضمن وجهها وعليها أسماء أبطال فيلم 200جنية الذي عرض في السينمات الأيام الماضية"بطولة اسعاد يونس، و أحمد رزق، وليلي علوي، وهاني رمزي، وخالد الصاوي، ودينا فؤاد" وباقة كبيرة من نجوم السينما.

علقت غادة رجب قائلة:" فيلم ٢٠٠ جنية من اجمل واروع الافلام اللي شوفتها من فتره طويله، كم النماذج اللي موجوده في المجتمع، وكم الحالات الانسانيه اللي بتشوفها في الفيلم بتخليك تخرج مشحون والفيلم مش بينتهي بمجرد الخروج من السينما، لا ده بيفضل عايش معاك وجواك".

وأضافت:" من الافلام اللي حتبقي في التاريخ، كل صناع الفيلم ابدعوا، اما عن اخر مشهد للفنانه الكبيره اسعاد يونس، ف حقيقي مفيش تعبير يوصف جمالها وابداعها والاهم احساسها".

ووضحت "غادة رجب" عن رؤيتها لفيلم 200 جنية قائل:" كل واحد في اللي فيه ناس حياتها 200 جنيه، ناس تاخدها عشان تعيش وناس تسيبها لناس بقشيش

والمركب اللي فيها لله مش بتغرق

اللي همه نفسه واللي

دماغه سايقاه في الشمال

واللي أقنع نفسه انه

الحرام زي الحلال

كان زمان يكسف يعر

النهاردة بقاله سعر

حط رجله على رجله

وللأسف بقى ليه مجال

واللي ساكت رغم حجته

عارف ان الإيد قصيرة

واللي عزة نفسه غالبة

رغم إن العين بصيرة

اللي تلاقيه وقت زنقة

واللي عنده الشدة فارقة

واللي عمل الخير وسابه

في الدّرا وما جبش سيرة

واللي شايفك بس برة

وفاكر إنك هَيلمان

نفسه لو يوم يبقى زيك

نفسه لو أكتر كمان

مين هيحكم عاللي حيلته

كل واحد عنده شيلته

واللي جوَّا كل واحد

فينا عكس اللي بان

دنيا ماشية ودايرة دايرة

والحساب من النفوس

ناس عشان تطلع تنزّل

ناس وفوق منها تدوس

كل شيئ وليه تمن

دفع كاش جواه تمن

الحقيقة انه أرخص

جاحة في الدنيا الفلوس