خرج الفنان التشكيلي أحمد شيحة عن صمته في تصريحات إعلامية بشأن أزمة نجلته الفنانة حلا شيحة مع المطرب تامر حسني، مشيراً إلى أنه منزعج من تصريحاتها الأخيرة.
رد والد حلا شيحة عن أزمتها مع تامر حسني
وقال أحمد، أن فيلم "مش أنا" لا يحتوي على أي مشاهد خارجة، والفيلم حلو وناجح ومحقق أعلى إيرادات في السينما وأهنئ تامر حسني على هذا النجاح الذي يستحقه، الفيلم مفيهوش غلطة.
وأكد "أحمد"، أن ابنته ليس لديها أي حقل لقول أن الفيلم به مشاهد تغضب الله، ولو المشاهد تغضب الله كما أدعت، لماذا لم تعترض قبل التصوير وترفض، لكن تعترض دلوقتي والفيلم في السينما وبيحقق أعلى إيرادات إزاي؟.
والد حلا شيحة يخرج عن صمتة ويقف بصف تامر حسني
وأوضح أحمد، أنه لم يتواصل مع ابنته حتى هذه اللحظة، لان ما كتبته عن الفيلم أغضبه للغاية، الفن مالوش دخل بأي حاجة أو مواقف، ليه تدخل الدين في الموضوع كده بالطريقة دي، وتامر حسني أخلاقه عالية جدًا وكلنا عارفينه.
وأختتم أحمد، حلا لم تتحدث معي عن نيتها اعتزال الفن، لأنها عارفة رأي وأكيد ضد ماتقوله ومش موافق.
حلا شيحة عبر انستجرام
حالة شيحة كتبت منشورا عبر انستجرام، انهالت عليها التعلقيات والانتقادات، حيث كشفت حلا شيحة عن تبرؤها من العمل فى الوقت الراهن وطرحه فيديو كليب بحبك من فيلم بسبب تضمنه مشاهد رومانسية تجمعها مع تامر حسنى.
حلا شيحة تهاجم تامر حسني
حلا شيحة أضافت عبر حسابها بموقع انستجرام مهاجمة تامر حسنى: "أنا اتفاجئت جدا بنزول كليب يجمع فيه مشاهد متفرقة من الفيلم و خصوصا بعد آخر بوست نزلته و وضحت فيه انا ايه ..و اتفاجئت اكتر خصوصا بعد وعد تامر حسني ليا وتأكيده انه حیحترم رغبتي و بعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي".
حلا شيحة: زملائي جواهم خير
وأضافت حلا شيحة: "إحنا يمكن نجحنا بمقايس الدنيا بس صدقوني بمقایس ربنا احنا لم ولن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل وبننسی".
حلا شيحة: مش هتكسف من حد
وتابعت حلا شيحة: "انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن".
حلا شيحة توجه رسالة للفنان تامر حسنى
وأكملت حلا شيحا: "احنا كلنا عندنا امتحان في الدنيا دي و حابة افكرك بالفيديو ده یا تامر اللي قولت فيه انا مش بتمني أموت وأنا مطرب انا دايما خايف کده.. كلام أكيد قولته في لحظة صدق جواك و جوانا كلنا من شوفه تاني يمكن يفكرك أن جواك اكيد في صراع و انا و كلنا كلنا بنغلط بس المهم في الاخر نتدارك الغلط و نصلح .{إلا من تاب و امن عمل عملا صلحا أوللېك يبدل الله سيئاتهم حسن وكان الله غفورا رحيما.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".
تابعوا أخبار بلدنا اليوم على Google News
