عمرو مصطفى يفتح النار على محمد رمضان : "بحذّرك"

فتح الملحن عمرو مصطفى النار على الفنان محمد رمضان، وذلك بعد قرار التحفظ على أمواله في أحد البنوك.

علق عمرو مصطفى على قرار التحفظ على أموال محمد رمضان، عبر حسابه الشخصي على موقع الصور والفيديوهات الشهير "فيسبوك"، :"( انا خوضت مشاكل كتيرة جداً ملهاش قيمة".

وتابع :"في برنامج العرافة رمضان اللي فات طلعت و قدمت نصيحة لمحمد رمضان انه يستفاد بتجربتي و يبطل مشاكل .... لكن للأسف النهاردة اتفاجئت انه بيقحم اسم "مصر" في مشاكله الشخصية عن طريق محاولة قلب الحقائق بفيديو يخص مشكلته " الشخصية " في التحفظ على امواله".

وأضاف عمرو مصطفى :"غير تلميحاته بأن "مصر و اهلها" لو محتاجة فلوسي يتفضلوا انا جاهز !! ...... لا يا رمضان مصر واهلها مش في حاجة لفلوسك ولا لفلوس اي حد ... بعد اذنك حل مشاكلك الشخصية من غير ماتدخل اسم بلدي في ازماتك... و الجمهور المصري الي انت بتخاطبه بمشكلة شخصيه ده جمهور واعي جداً وينتمي لمصر اولاً قبل محمد رمضان او اي فنان آخر ... (الولاء الأول و الأخير لمصر ) ...

و انا كشخص من القوة الناعمة اللي بتمثل مصر واجبي اني احذرك من اقحام اسم بلدي في ازماتك و واجبي اني اغير على بلدي انا و اي حد بيحب البلد دي "