كريم الحسيني عن مسلسل "اللي ملوش كبير": "الغريب اني مشارك في المسلسل بس حبيت أحداثه"

شارك الفنان كريم الحسيني على صفحته الرسمية على موقع الانستجرام الخاص به، صورة الثنائي أحمد العوضي وياسمين عبد العزيز وعلق عليه بالعديد من الكلمات والجمل التي تعبر عن فرحته بالعمل في عمل مشترك معهم.

علق على الصورة: "بدون مبالغة ولا تطبيل وبمنتهى الصراحة، أنا فخور بالثنائي ده جدًا، مذاكرين ومركزين ما فيش ريأكشن بيعدي، كل جملة بتتقال في مكانها، افتح هتفهموا مذاكرتهم نسوني انهم متجوزين، بقيت متعاطف معاهم رغم ان عوضي صاحبي وحبيبي واللي يشوف عوضي من قريب ويشوف هزار وخفه دمه ميصدقش، بحييك يا صاحبي أنك ماسك كاركتر الخديوي كده على طول من غير ما يجلي منك حتى في الصمت، واخذ بالك من مشية الخديوي في كل الشوطات".

تابع الحديث عن ياسمين عبد العزيز قائلا: "اما بالنسبه للنجمه ياسمين عبد العزيز بعد الخبره دي كلها وكل سنين النجومية دي تحسسني إنها فعلا غزل اللي خايفه وقلبها كبير، ومشاعر الحب المتضاربة واللي حساها تجاه الخديوي يلهوي، بروح معها وبصدقها وببقى متعاطف و جسمي مقشعر ومشدود طول المشاهد الله يفتح عليك ويبارك لك يا رب".

أضاف عن باقي العمل: "الغريب المشارك في المسلسل بس حبيت احداث كوكو بقيت مستني مشاهد غزل والخديوي أكثر من أي مشاهد ثانية حتى لو مشاهدي، اللي مالوش كبير مسلسل فعلا كبير كبير بتأليفه عمرو محمود ياسين ده الله يبارك له على صدق احساسه في الكتابة، مش عشان هو صاحبي والله ابدا، عمرو جواه عفريت هو اللي بيلبسه وهو بيكتب، غريب ومريب ومتواضع ودائما سهلة كأنه بيبقى قاعد جوه دماغ المشاهد وبيقرأ أفكاره تسلم دماغك يا عمرو".

تابع: "وطبعا المخرج مصطفى فكري الله يفتح عليك وعلى قدراته وعلى احساسك بالممثلين كلهم عامل معزوفة حنينة توجع القلب بجد الله يبارك لك يا رب، وفخور بالشغل مع مخرج عنده وعي وجهه نظر زيك يا صديقي العزيز وبعدين انت كمان ممثل شاطر ودمك خفيف و هتقطع علينا، وحبيب قلبي المصور جامد مدير التصوير العالمي زيتون، ايه الصور والإضاءة الجامده دي يا عمنا، إيه يابا الشغل الألماظ ده تسلم ايدك وعنيك يا زوتا يا صديقي الغالي".