"بيعلّم الرجالة دروس".. شيما صابر تعلق على رد تامر حسني على زوجته

الاثنين 16 نوفمبر 2020 | 06:13 مساءً

كتب : آية محمود

تصدر الفنان تامر حسني وزوجته المغربية بسمة بوسيل، خلال الساعات القليلة الماضية، ترند مواقع التواصل الاجتماعي المختلفة، وذلك عقب إعلانها انفصالها.

علقت الإعلامية شيما صابر على رد الفنان تامر حسني على زوجته بسمة بوسيل، عبر حسابها الشخصي على موقع التدوينات القصيرة "Twitter" كاتبة: "تامر حسني في طريقه احتواءه لزوجته ورده عليها بيعلم رجاله كتير أوي دروس متنتهيش.. من زمان وأنا بشوفه حقيقي مثال للشخص الذكي الناجح صاحب المواقف المدروسة.. تحية على إحساسه بالمسؤولية كونه شخص ملهم في هذا المجتمع".

لا يتوفر وصف.

وكان كتب تامر حسني عبر خاصية ستوري بموقع التواصل الاجتماعي إنستجرام: "بسمة حبيبتي للاسف انتي مفكرتيش كويس وسلمتي ودنك لشر سوشيال ميديا كام تعليق كلامهم فارع نسوكي انك عرفتيني وانا مشهور ودي طبيعة شغلي اللي حبتيني وعرفتني بيها ازاي وصلوكي للبعد والزعل، المهم انا مش هزعل منك ولا هيرضيني انك تزعلي".

وأضاف: "عشان انتي حبيبتي وام عيالي وانا ضهرك وسندك مهما حصل بس اللي عايز اقوله لعل نكون سبب خير في التوعية ناس كتيرة .. لية لما حد بيزعل من حب بيكتب على سوشيال ميديا طب حتى يكلمه الاول اية علاقة الناس بمشكلة شخصين بين اتنين ممكن تتحل بالتليفون".

وتابع: "ربنا جعل بينا مودة ورحمة عشان كدة انتي عارفة ان في ناس طبيعتهم حب خراب البيوت ومش هنخلص منهم بس انتي اللي هتخلصي من فكرة انك تسمعيهم .. مع انك منكتيش كدة"

واستكمل: "ياريت تركزي مع طاقة الناس اللي دعولنا ودعول لاولادنا بكل خير وفعلا انا بشكر كل الناس والفنانين اللي سعوا في الخير لينا وانا واثق انك زعلانة انك كتبتي كدة، هو تصرف متهور منك ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا".

واختتم تامر حسني رسالته: "بينا حب غالي وحياة كريمة واولادنا وبيتنا اغلى ما فيها ربنا يخلينا ليهم متهورة بس بحبك".