أحمد فلوكس: " تعرضت للسحر في فترة من حياتي وأثر عليا بشكل كبير"

قال الفنان أحمد فلوكس، إنه تعرض للسحر في فترة من حياته، وأثر عليه بشكل كبير جدًا، ولاحظ المقربون منه هذا التغيير على جسده وملامحه.

وأكد فلوكس خلال لقائه مع الإعلامي عمرو الليثي ببرنامجه "واحد من الناس" على قناة "الحياة"، أنه مواظبًا على الصلاة وقراءة القرآن بشكل دائم: "لو في يوم مصلتش ومقرأتش قرأن مبقومش من السرير".

هذا وكشفت رابية زوجة الفنان أحمد فلوكس، طبيعة علاقتها بزوجها بعد عودتهما مؤخرًا، وانفصالهما منذ عدة سنوات، وزواجه أكثر من مرة.

وقالت رابية خلال مداخلة هاتفية مع برنامج "واحد من الناس" الذي يقدمه الإعلامي عمرو الليثي على قناة "الحياة": "إحنا على فكرة طول الوقت مع بعض، وكنا في ضهر بعض طول الفترة دي، إحنا كنا بنبني شخصية طفل، وإننا نربي طفل سوي، مافيش فكرة إن أنا أسامحه، وفي قرار أخدته عشان أربي ابني بعيد عن المناضلة، وأكيد اللي حواليك بيفضلوا يكلموكي في التفاصيل دي، أنا شايفة إن أحمد في الإحساس ده".

وتابعت: "أنا بيني وبين نفسي بنيت الكيان ده، انفصلنا أو منفصلناش، ابني مكنش يعرف إننا منفصلين غير لما أحمد اتجوز هنا شيحة سنة عام 2018، وأحمد كان مستحيل يتجوز غير وابنه قدام عينه، كنت عايزة العلاقة دي تكمل عشان يستقر، أنا اللي لبسته الكرافتة يوم فرحه وأنا اللي خيطتهاله، وده مش مثالية، أنا جزأت علاقتي بأحمد الصديق والزوج، فهم فكرة أني عايزه أربي أبني في جو هادي، بعيد عن المشاحنات، وناس تضغط عليك".

وأما عن علاقتها بطليقة زوجها الفنانة هنا شيحة، قالت رابية: "علاقتي كانت بهنا جميلة وابني سيف بيحبها، ومشفناش من بعض إلا كل خير".