وجه مجدي عبدالغني عضو اتحاد الكرة السابق، رسالة دعم لـ عمرو السوليه نجم فريق الاهلي عقب التنمر على نجلته بعد نشره لعدد من الصور لها.
ونشر مجدي عبدالغني عبر حسابه الرسمي بموقع التواصل الاجتماعي "تويتر"، صورة لـ السوليه بصحبة نجلته.
وعلق البلدوزر: "كل الدعم لإبنتنا الجميلة ليلي السولية تخيلوا نكتب ونقول ندعم بنت عندها 3 سنوات ! طبعا الدعم لأباها "الرجل" عمرو السولية نجم الأهلي والمنتخب وصاحب الموقف الشجاع والرائع".
وأغلق عمرو السولية، لاعب النادى الأهلى، التعليقات على صورته مع ابنته، التى تعرضت لبعض التعليقات المسيئة، مؤكدًا أن يسير فى الإجراءات القانونية، مشددًا على أنه سوف يحمى بناته بطريقته، مقدمًا الشكر لكل من سانده.
وقال السولية: "أنا قفلت الكومنتات وهمشى فى الإجراءات القانونية، وبشكر كل الناس اللى ساندت الموقف وأى حد تطاول هياخد جزاءه وأنا مش منزل البوست عشان الشو، أنا هحمى بناتى بطريقتى وربنا يحفظ بناتنا جميعا.
ورد لاعب النادى الأهلي عمرو السولية على تعليقات عدد من متابعيه بموقع إنستجرام ووالتى زعموا أن ملابس ابنته ليلى التى تبلغ من العمر 3 سنوات ونصف غير محترمة، موضحًا أنه سيتقدم ببلاغات ضدهم.
وكتب عمرو السولية، عبر حسابه بموقع إنستجرام: "ليلى بنتي عندها ٣ سنين و نص (لسه قالعة البامبرز من كام شهر) الكلام ده بيتقال على طفلة!! أيه اللي يخلى (بني آدم) خنزير ممكن يبص على لبس طفلة ويركز غير أنه فعلاً خنزير؟! ايه المرض ده".
وأضاف السولية، "دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، أتمنى الشيوخ اللي بيبرروا للتحرش ولبس البنت يكونوا مبسوطين دلوقتى وهما شايفين اللي بيحصل".
موضوعات ذات الصلة
أبراهام يقود هجوم تشيلسي أمام شيفيلد يونايتد
عمرو السولية عن صورة ابنته: "بنتي لسه قالعة البامبرز وأي حد هيتطاول هياخد جزاءه"
تابعوا أخبار بلدنا اليوم على Google News
