علقت السيناريست إنجي علاء زوجة الفنان يوسف الشريف، عما يتم تداوله عبر مواقع التواصل الاجتماعي، من هجوم شديد بسبب تصريحاته مع الإعلامي رامي رضوان حول البنود التي يطلبها في عقود أعماله الفنية.
وفي أول تعليق من زوجة يوسف الشريف كتبت عبر حسابها الشخصي على موقع التواصل الاجتماعي "فيسبوك": "في اخبار كتير مغلوطة عن يوسف متداولة من حواره مع الإعلامي رامي رضوان اللي اتذاع في برنامجه مساء dmc بس متحرفة بزيادة شوية".
وتابعت إنجي علاء: "يوسف اتكلم عن المشاهد الساخنة واعرف فنانين كتير تانيين مش بيحبوا يعملوها.. ايه اللي جاب ملامسة النساء للموضوع🙄 أوفر أوي بصراحة!! هو مجبش سيرة ملامسة النساء والحوار موجود على صفحة القناة! ياريت يكون في تحري للدقة عند تغطية الحوارات واحترام لرأي وأفعال الناس مادام مش بتضر حد وشكرا لكل أصحاب الأقلام المهنية اللي لما غطت الحوار نقلت اللي فعلا دار فيه #يوسف_الشريف".
وحرص بعض الفنانين على توجيه الدعم للفنان يوسف الشريف، بعد الهجوم الشديد الذي تعرض له من بعض رواد السوشيال ميديا ، ومنهم الفنان كريم فهمي وهشام ماجد ومحمد أنور.
محمد أنور
علق نجم مسرح مصر على هذا الهجوم، قائلا " كل الهري والكلام الفاضي وقله الأدب اللي حصلت عشان الراجل ده قال أنه عنده مبدأ معين هو أنه ضد المشاهد الساخنه أو الأحضان والبوس والكلام ده لأنه ببساطه بيخاف ربنا ومش عاوز يغضبه وهو شغال بالمبدأ بقاله أكتر من عشر سنين وناجح بيه وربنا كارمه من وسع كمان وأنه هو مش ضد اللي بيعمل عكس كده ولا شايف نفسه أكتر احتراما من حد" .
وأضاف" أنور" :" فجأه كل الناس شايفاه رجعي ومتخلف ومش فنان وناس قالو ده إخوان وناس قالت طب روح حجب مراتك الأول وبعدين أتكلم وناس طلعتله مشاهد من أعمال قديمه هو بيحضن فيها وقالو أيام ماكان بيحب التلامس وكميه قله أدب في موضوع الراجل طرحه بكل احترام، وقال أنه فيه ممثليين كتير زيه أصلا مش بيحبو يعملو ده أو ندمو اصلا علي أعمال هما قدموها في البدايه وبعدين شافو أنه ماينفعش أنه يعمل كده تاني".
وكتبت "هنا الزاهد" عبر خاصية الاستوري على موقع تبادل الصور والفيديوهات قائلة: "يوسف الشريف من أكتر الناس المحترمة اللي اشتغلت معاهم".
و انضمت الفنانة ناهد السباعي ايضا، "وكتبت" هو ليه الناس بتطالب بالحرية الجنسية للشواذ وتنتقد راجل رافض المشاهد الساخنة لأسبابه الخاصة.. دي حريه شخصية.. ودي حريه شخصية.. مش عجبك متتفرجش عليه ومتشتغلش معاه وفي الاخر.. شابوه يوسف الشريف".
هشام ماجد
وانتقد الفنان "هشام ماجد" ، كل التعليقات السلبية قائلاً" في بعض الناس سواء شغالين فالمجال الفني او صحفيين او ناس عادية استغلوا الكلام اللي قالوا يوسف الشريف في برنامجه مع رامي رضوان و ابتدوا يهاجموه و قاموا ناشرين حاجات لأفلام قديمة عملها عشان يثبتوا انه كان بيعمل الحاجات دي عادي و انه يعني كدة بيدعي الفضيلة و كدة، الفضيلة دي من البني ادمين هما تاني أوحش حاجة بعد الكورونا، كل الأحترام ليوسف الشريف فنان راقي و محترم بيتعب علي شغله و بيحترم جمهوره..وكل الإحترام لأي حد متفق او مختلف مع كلامه بس بإحترام ...و كل واحد ليه الحرية في افكاره طالما بيحترم اللي حوليه و مبيأذيش حد.
وكتب ايتن عامر "بصراحة مدايقتش خالص من انترفيو يوسف الشريف، وبصراحة مش فاهمة الدوشة دي كلها ليه، أنت حر ما لم تضر.. بس كده، ومعتقدتش أنه ضر حد بمعتقداته أو قناعاته.. شابوة يا عم.
ونشر كريم فهمي، صورة للفنان يوسف الشريف، وعلق على الصورة قائلا" الراجل ده أنا بحبه وبحترمه في العموم مخلص ومجتهد وحر في رأيه ويحترم.
إقرأ أيضًا:
خطيبة حسن شاكوش تعلق على خبر انفصالها.. ماذا قالت؟
حسين الجسمي يطرح "الحساس" عبر يوتيوب.. فيديو
تابعوا أخبار بلدنا اليوم على Google News
