"ست كشرية وصوتها دايمًا عالي روحت مخلص عليها".. كانت تلك الكلمات التي بدأ بها المتهم بقتل زوجته، اعترافاته أمام محكمة الجنايات، وقال: "ست مستفزة للغاية وحولت حياتي لنكد وخلافات مستمرة ودائما ما يسمع الجيران صوتها العالي وهي تتشاجر لحد ما زهقت منها ومن الدنيا كلها".
وأضاف المتهم: "انا ببقى شغال طول اليوم عشان أوفر الفلوس الي بنصرفها على البيت، وهي في الآخر اتهمتني بالبخل وأني مش عايز أصرف عليها رغم أن ده حصل بسبب مشاكل في الشغل فالفلوس قلت شوية لكن هي مقدرتش تستحملني شوية".
وتابع المتهم: "اليوم اللي حصل فيه القتل اتخانقت معايا وصوتها على مستحملتش بعدها هددتني أني لو مدتهاش فلوس هتسيب البيت وتمشي وهترفع عليا قضية في محكمة الأسرة وهتحبسني، كل الاستفزاز ده مقدرتش استحمله فضربتها بالقلم وحاولت تضربني فمكنش قدامي غير أني مسكت عصاية جنبي وبدأت أضرب فيها على راسها لغاية ما الدم بدأ ينزل من دماغها".
وأوضح: "أول ما لقيت الدم بينزل من راسها وفقت بس كانت خلاص بتطلع في الروح فسبتها وهربت عشان الشرطة متقبضش عليا، وفضلت هربان بعد ما عرفت أن الشرطة بتدور عليا بعد ما الجيران قالوا أنهم سمعونا بنتخانق وسمعوني وانا بضربها، لغاية ما الشرطة عرفت مكاني وعملتلي كمين وقبضت عليا".
وفي نهاية القضية قضت المحكمة بمعاقبة المتهم بالسجن المشدد 15 عامًا، بعد أن وجهت له النيابة تهم قتل زوجته، عمدا مع سبق الإصرار والترصد بعدما عقد العزم وبيت النية على قتل المجنى عليها زوجته، وانتظرها واستخدم عصا خشب في التخلص منها.
أقرأ أيضا..
توفت زوجته بكورونا فأحدث تلفيات بالمستشفى.. والمباحث تلقي القبض عليه برفقة نجله
المؤبد لعامل و7 سنوات لشخص آخر بتهمة قتل سائق في قنا
قصة مأساوية.. النيابة تكشف لغز انتحار شاب داخل شقته بالعمرانية
تابعوا أخبار بلدنا اليوم على Google News
