أمير طعيمة عن ضيوف رامز جلال: "كل واحد له حسبته"

علق الشاعر أمير طعيمة على النقد الموجه لضيوف الفنان رامز جلال في برنامج "رامز مجنون رسمي".‏

وكتب طعيمة عبر صفحته على "facebook" تعليقًا على تعرض الفنانة بدرية طلبة للمقلب في الحلقة الماضية قائلا: " بعيدًا عن إن رامز صاحبي وبحبه جدا، النقطة دي مهمة جدا للمعترضين على ‏البرنامج، أي ضيف بيروح البرنامج لو مش عايز حلقته تتذاع يقدر بعمل كده، في سنة من السنين الفنانة آثار الحكيم رفضت وحلقتها ‏لم تُذاع".‏

وتابع: "طالما البرنامج راضي والضيف راضي ومعظم الجمهور راضي بدليل إن البرنامج نسبة مشاهدته عالية جدا، إيه المشكلة، هل ‏معنى كده إنك كمتفرج لازم يعجبك ؟ برضه لا .. لو المحتوى مش عاجبك عندك في نفس التوقيت عشرات الاختيارات".‏

أضاف أمير طعيمة: "وفكرة إن الضيف بيهين نفسه عشان فلوس ده مش حقيقي لأن معظم النجوم اللي بيروحوا مش محتاجين ‏فلوس، يعني بيقبلوا لأنهم شايفين إن الموضوع عاجبهم وبحسبتهم هيفيدهم و ده كمان قرار شخصي وكل واحد له حسبته، وحتى ‏اللي بيوافق عشان مقابل مادي فهو برضه حر، ‏it’s win win situation ‎ في جميع الأحوال".‏

واختتم: " و لو بتتخض أو بتتوتر عامله يا سيدي معاملة أفلام الرعب وما تتفرجش، من حقك تتفرج على اللي بيعجبك ومن حق غيرك ‏يتفرج على اللي بيعجبه".‏

اقـــــرأ أيضًــــا:

موعد وتردد القنوات الناقلة لمسلسل "لعبة النسيان".. شاهد الحلقة التاسعة (بث مباشر)

تفاصيل وأحداث الحلقة 7 من مسلسل لعبة النسيان