زوجة تشتكي زوجها لممارسته الجنس مع السيدات بالتليفون.. تفاصيل

تعتبر قضايا الخلع والطلاق والنفقة بمحاكم الأسرة، من القضايا الشائكة والحساسة، التي تشهدها محافظات مصر في الفترة الأخيرة، فلم تعد أسباب الخلع والطلاق والنفقة كما كانت في السابق بل تطورت لتصبح لأسباب غير معلومة في معظم الأحيان، ففي هذا الموضوع نعرض قصة لفتاة تزوجت منذ 5 سنوات وبعدها اكتشفت خيانة زوجها الذي يتحدث فى علاقات جنسية مع السيدات بالتلفون وعبر الانترنت.

فى البداية تقول الزوجة " م . ع. ا"" تجوزت منذ 5 سنوات، عن قصة حب جمعتني بزوجي، ولكن بعد الزواج أصبح انسانًا مختلفا عما عرفته فى فترة الخطوبة" وأكدت الزوجة أنها أنجبت بنتي وحيدة رزقها الله بها فى أول الزواج، وبعد فترة صغيرة جدا من الجواز والإنجاب اكتشفت المصيبة أن جوزي بيكلم بنات في التليفون وعلى النت فى علاقات جنسية.

وتابعت الزوجة: أنا كلمته كتير جدا في الموضوع ده، لغاية ما تعبت من الكلام معاه عن البنات والستات دي، وكان بيقولي دول زمايلي دول معرفة وعندهم مشاكل وبحلها وبمرور الوقت زادت بينا المشاكل بشكل مش طبيعي، وفي مرة بالصدفة كنت فاتحة اللاب توب بتفرج على مسلسل وشوفت مواقع إباحية كان البيه فاتحها بيتفرج عليها، وكانت صدمت، جوزي بعد إنجابي طفلتنا الأولى تغير في معاملته معايا، وعرفت أنه على علاقة بواحدة تانية ويمارس معاها الحرام، والست اطلقت بسببه بعد ما جوزها عرف، واكتشفت أنه داخل في علاقة تانية مع واحدة متجوزة، وأن بينهم اتصالات جنسية ورسائل كتير ولما مسكت تليفونه مرة تانية بالصدفة لقيت كلام جنسي في الشات قبل جوازنا .

وكشفت الزوجة المسكينة : مصيبتي بقت أكبر لما عرفت انه بيتكلم مع مرات اخويا، مرات أخويا قريبة جوزى، وكانوا بيتكلموا بطريقة وحشة وكلام عيب عن أخويا وعن أهلي، وقررت أبعد وأروح عند أهلي وواجهته أني عرفت كل حاجة بدون ما أفضحه، وجالي واعتذر لي وحلف أنه هيبطل يعمل الحاجات دي".

واستكملت الزوجة : فضل فترة مخلى باله من تحركاته وعمل كلمة سر موبايله علشان معرفش افتحه ورجعنا تانى للعادات القديمة والإهمال وعدم الاهتمام لغاية ما اكتشفت أنه بيكلم بنت من العائلة وكمان مخطوبة، ويمارسوا الجنس في التليفون هما الاثنين ورومانسية وكلام حب، اللى أنا مكنتش بسمع منه كلمة واحدة أصلا، وبعد كده سجلت له كل المكالمات والتحركات لشهور وكل مرة كانت بتحصل خناقة بينا كان بيقول روحي ريحي أعصابك شوية في بيت أهلك عشان البيت يفضى علي لحد ما بالصدقة عرف أني حاطة جهاز تسجيل في البيت ومسكه، ومجرد ما شافه قالي أنتي طالق ورماني، ورجعت لأهلي وحكيت لهم كل اللي حصل بينا في الفترة اللي كنت فيها على ذمته، وتطالب الزوجة بالحصول على حقها من زوجها أو من طليقها.

اقرأ ايضًا:

جزاء الحب الخيانة.. سيدة تطلب الطلاق من زوجها لممارسته الرذيلة

سيدة في دعوى خلع: "بيقول عليا تافهة علشان بحب الكارتون"

"المخدرات لحست مخه".. فتاة تطلب الخلع بعد 9 سنوات زواج