برسالة مؤثرة.. تامر حسني يحث جمهوره على التمسك بالحلم

دشن المطرب تامر حسني رسالة لجمهوره من خلال حسابه الخاص على موقع التواصل الإجتماعي الشهير "فيسبوك"، وكانت تلك الرسالة إيجابية يحث جمهوره من خلالها بمتابعة هدفهم والسعي خلفه بدون ملل.

ودشن تامر منشورًا بعد أن قام بنشر حديث لأبن مسعود رضي الله عنة قائلاً: "ودا يخلينا دايماً نظن بالله خير ولازم نبعد عن التشاؤم عشان التشاؤم بيخليك تبني علاقة جذب كبيره بينك و بين كل الأفكار السلبيه ويقربهالك و تتوهم ان ربنا كتبهالك لا دا غلط و الف غلط لازم نكون العكس تماماً و نبني علاقة حلوه و طاقة جذب كبيره تجاه ما بنحب و نتمناه ارجوكم إعملوا كدا صدقوني و متيأسوش من رحمة ربنا".

وتابع: "ربنا بيحب العبد اللحوح في الطلب اللي مصمم و مش بييأس و مهما كانت الصعاب اللي بتعيشوها إعرفوا ان في اصعب من كدا ممكن يحصلنا و بكتير ف نقول الحمدلله و نتفائل و آخر حاجه نسيبها في مخنا تكون إيجابيه ارجوكم عشان هتبني علاقه جذب جميله بينكم و بين هدفكم حتى لو كان بعيد مش هتخسروا حاجه لما تكون آخر جاجه سيبتوها في دماغكم متفائله و كلها ثقه في ربنا إنه هيحققهالكم و دايماً قولوا ان شاء الله هقدر ان شاء الله هيحصل، تفائلوا بالخير تجدوه".

جدير بالذكر أن تامر حسنى يقوم حاليا بتصوير فيلمه الجديد "مش انا" والذى يشارك فى بطولته حلا شيحة، بينما قام تامر بتأجيل جميع حفلاته المقرر إحياؤها الفترة الحالية بسبب فيروس كورونا.