تدوال رواد السوشيال ميديا صور لظهور بيض صيني في الأسواق المصرية، وهذا يعتبر نوع جديد من الغش التجاري في المواد الغذائية، حيث لجأ بعض التجار إلى صناعة البيض الصيني، من المواد البلاستيكية والكيمائية، مستغلين التشابه بين الاثنين.
وكتبت سيدة منشور عبر موقع التواصل الإجتماعي "فيس بوك"، تحذر فيه الناس من تدوال البيض الصيني في الأسواق وقالت السيدة: "أنا اشتريت بيض امبارح علشان اعشي ابني وسلقت اتنين وأكلتهم له بس بعد ما سلقتهم لقيت البياض شفاف جدا بصراحة مشكتش خالص، بعدها بشوية بحكى لصحبتى قالتلى دا ممكن البيض الصينى اللى بيقولوا عليه".
وتابعت: "عملت اتنين أومليت قولت اجرب لقيت البيض اتقلب فى الطاسة وبقى بلاستيك زي ما فى الصورة كدة ومفيش فيه صفار خالص، كله أبيض كدة وحجر خالص كأنه زجاج".
وأضافت السيدة: "خلو بالكم من أطفالكم البيض ده مش بيض دا بلاستيك وندمانة إنى أكلت ابنى بيضة منه والصور دى لبيضتين أومليت بعد ما عملتهم فى طاسة قلبوا شريحة بلاستيك ومفيش صفار نهائيا، ومفيش فى ريحة بيض أصلا ريحته مية، ابنى جالة إسهال وكلمت الدكتور بيقولى اديله انتينال".
فيما قال ضحية أخرى من سوهاج عبر "الفيس بوك": "ده البيض اللى في الكشك بتاع الإشارة اللى في شارع 15 بـ 39 جنيه المفروض إنه أحمر بعد السلق يطلع اللون الأحمر دا مرشوش".
مواصفات البيض الصيني
1- القشرة الخارجية للبيض الصيني هي أكثر خشونة من البيض الطبيعي .
2- البيض الصيني يكون صلبا .
3- لا تتوافر قشرة داخلية في البيض الصيني كما هو الحال في البيض الطبيعي .
4- عند كسر البيضة يلاحظ أن البياض مختلط مع الصفار.
ويجب الحذر جيدًا عند شراء البيض لأن هذا النوع من البيض يسبب الكثير من الأمراض والمخاطر الصحية، فهو مصنوع من مواد كيميائية وبلاستيكية، ومن خلال ما سبق، تبين أن هذا البيض، بدأ تداوله في مصر ويجب الحذر منه.
تابعوا أخبار بلدنا اليوم على Google News
