"مش هاين عليا نسيبك لوحدك".. دينا الشربيني تودع الراحل هيثم أحمد زكي

أعربت الفنانة دينا الشربيني عبر حسابها الشخصي على مواقع التواصل الاجتماعي "انستجرام"، عن حزنها الشديد على فراق الفنان الراحل هيثم أحمد زكي.

ونشرت دينا صورة عبر صفحتها الشخصية للفنان الراحل هيثم أحمد زكي ، وعلقت على الصورة قائلة: "أنا مبعرفش اكتب ولا عمرى كتبت، بس أنا مش قادره اصدق أنى مش هشوفك تانى!! ولا هتكلمنى فى التليفون تانى وتقولى يالا نتقابل، ولو مردتش عليك الاقيك بعتلى مسدچ بتقولى طظ فيكى مش هكلمك تانى ، وأول ما ابعتلك اقللك يابنى ملحقتش ارد ده التليفون رن مرتين تقللى خلاص امسحى المسدچ وكأنى مبعتلكيش حاجه"

وتابعت دينا الشربيني "طول اليوم كنت بهرب من أنى اصدق ان ده حصلك أنت ياهيثم، لحد ما جيت انام دلوقتي ومش هاين عليا أنام واحنا سيبينك لوحدك، كنت دايما تقلنا كلنا اسألوا عليا لحسن اموت لوحدي و محدش يعرف،

كنت طيب وجدع وحنين وعامل زى العيال الصغيرة".

أقرا ايضا:"يا حلو".. هالة فؤاد تغني للطفل هيثم أحمد زكي (فيديو)

واختتمت دينا حديثها "نفسى نحب بعض كلنا ونخاف على مشاعر بعض، مش لازم نستنى حد فينا يموت علشان نفهم ان الدنيا مش مستهله، هيثم شاف أيام صعبة وضغط كبير من الناس وتنمر ومقارنة مش عادلة وللأسف مشفش حب الناس اللي احنا شايفينه دلوقتي، أنا عارفه انك فى مكان احسن من اللي احنا فيه وسط حبيبك، كان نفسك ترحلهم واديك رحت يا هيثم".