مبرر غريب لطلب هنا شيحه الطلاق من فلوكس

أوضح الفنان أحمد فلوكس، ما كتبه عبر صفحته إنه يتمنى أن يرتبط بسيدة جميلة كانت زميلته فى المدرسة، موضحاً إنه يميل إلى الهزار على السوشيال ميديا مع جمهوره وأصدقائه،

وقال فلوكس خلال لقائه ببرنامج "شيخ الحارة"، "أكتر حاجة بتضايقنى فى الجواز كلمة بنشترى راجل لأن الجملة دى لو أتقالتلى هسيبها وهمشى .. جملة صعبة جدا".

وواصل: "أنا مادخلتش الفن عن طريق والدى بالعكس هو كان رافض .. أنا دارس إعلام قسم تصوير.. وأبويا كان عاوزنى أشتغل فى البيزنس ..وبالفعل أنا دلوقتى فاتح شركة .. لأن الفن مابقاش هو اللى تربينا عليه .. وأكبر دليل على كلامى، إنى كنت بروح الجامعة بميكروباص .. يعنى تعبت فى البداية".

وتابع فلوكس: "ماكنتش عاوز أطلق هنا شيحة لأن هنا جميلة جدا ومن الناس اللى قابلتهم ومايتعوضوش .. كانت بتحبنى جدا .. وست بمليون راجل .. ولكن أنا كراجل صعب .. صعيدى حتى لو ماروحتش الصعيد طول عمرى .. وعصبى جدا.. وفى نفس الوقت هنا مايتفرطش فيها بسهولة بس هى اللى طلبت، وطبيعى اللى هتطلبه هنا هعملهولها لغاية ما أموت".

اما بشأن معتز مطر قال، "أنا عمرى ما هدخل حزب .. لكن وقت هجومى على هذا الشخص.. أى بنى أدم طبيعى هيهاجمه.. لأنه بيقول إدعاءات .. وكان من واجبى أقول الكلام ده .. أنا شفت عساكر وظباط وصف كلهم ناس بتسيب بيوتهم وبيروحوا معسكراتهم .. دول بيبنوا.. فى الوقت اللى فيه ناس بتهد".

أما بشأن سؤال أهم نجم فى مصر واختياره لنجم من هؤلاء النجوم "أحمد السقا، أحمد عز ، أمير كرارة" وقال فلوكس إن النجم أحمد السقا مدرسه نجرى ورائها، وأحمد عز يعمل على نفسه طول الوقت ويحترم الجميع، اما الفنان أمير كرارة بدأ الطريق من تحت الصفر وبذل مجهود كبير.

موضوعات ذات الصلة

النائب العام يصدر أمر بحبس متهم أنشأ حساب مُزيف بأسمه

الاتحاد: " ١٥ نادي من بينهم القطبين رافضين عودة الدورى"