رد ناري من عمرو أديب على توقع نبيل الحلفاوي نتيجة مباراة الزمالك وبيراميدز

قال الإعلامي عمرو أديب، إنه يتمنى فوز نادي الزمالك غدا على فريق بيراميدز، معقبا: "عايز الزمالك يكسب".

وأضاف "أديب"، خلال تقديمه برنامج "الحكاية"، المُذاع عبر فضائية "الحكاية"،: "لقيت واحد من الناس اللي بحترمها جدا، وواخد على قلبه النادي الأهلي كله، القبطان نبيل الحلفاوي هو الأب الروحي للنادي الأهلي، بيرد على متابع بيقوله نتيجة الماتش إيه، قاله الزمالك وبيراميدز بينهم توأمه وهيتعادلوا".

واستطرد: "أرجوا أني أكون فهمت غلط، والزمالك فريق كبير، ومش هيتفق مع بيراميدز وإن شاء الله الزمالك يكسب"، موضحا: "لو الماتش اتقسم يبقى غصب عننا كلنا، وفكرة إننا نقسم الماتش مع بعض، أنا مبلعتهاش".

وأكد أديب: "إحنا لا هنقسم الماتش، ولا هنتفق، وأكيد أنا فهمت غلط".