تعليق باسم مرسى على طلب الزمالك إنهاء إعارته لسموحة

علق باسم مرسي لاعب نادي الزمالك، على قرار النادي على قطع إعارته إلى نادي سموحة، وعدم استكمال المهمة، والانتقال إلى نادي أخر.

وكتب «مرسي» عبر صفحته الشخصية بموقع التواصل الاجتماعي «تويتر»: "تلقيت اليوم اتصال من مسئول ف نادى الزمالك يطالبنى بالرجوع ، قالى بالنص عندى ليك مفاجأة، الزمالك عايزك ترجع و تروح نادى تانى بدل سموحة احنا الي أخرنا البطاقة الدولية عشان لو كنت لعبت الماتش مكناش هنعرف نرجعك".

وأكمل: "قبل كدة انا مكنتش بطلع اتكلم، بس الموضوع يوصل أن يتقال أن التاخير بسببى فى موضوع البطاقة الدولية وتشويه سمعتى أن دة بسبب خلاف مادى بينى و بين النادى اليونانى ف دة مش صحيح".

وأوضح: "أنا عقدى اتفسخ رسمى من الاتحاد اليونانى، لو مكنش اتفسخ رسمى مكنش يحقلى انى اتمرن مع نادى سموحة".

وأشار: "أنا فى وقت إقامتى كاملة في اليونان، حصلت على ٥ الاف يورو فقط وتنازلت عن جميع مستحقاتى للزمالك وجددت سنتين اتنازلت فيهم عن ٤ مليون جنيه عشان يوافقوا على احترافى، وعند انتقالى إعارة لسموحة جددت سنة كمان على بياض".

وشدد: "أنا هرجع نادى الزمالك مش لو بالف جنيه لو ببلاش لان شرف ليا إنى العب ف نادى الزمالك مكنتش حابب إنى اتكلم رغم اتصال عدة برامج بيا من وقت وصولى للقاهرة لتوضيح عدة أمور بمقابل مادى بس أنا كنت برفض".